Shillong Naiwieng 08: Mynta ka sngi ka seng Hynniewtrep National Youth Front (HNYM) ha ka jingiakynduh bad u myntri ranbah ka jylla ka la dawa na ka sorkar ba kadei ban shna noh ia ka State Employment Policy bad ban bhah kam 80 percent ha ki Kompeni ba don ha kane ka jylla.
U Bah Luois Dohtdong President ka seng haba kren sha ki lad pathai khubor, ha dien ba kila ia kynduh ia u myntri rangbah ka jylla kila ai ia ka dorkhas kaba kila kdew ba ka sorkar kan shna noh ia ka policy ban mang 80% ka bhah kam ha ki kompnei dei ban dei ki trai jylla.
La iathuh ha kane ka jingiakyduh na ka liang u Myntri Rangbah u la kular ba un peit ia kine ki jingdawa bad yn sa shong ha ka jingialang jong ka kyhun Myntri sorkar jylla ban ia pyrkhat ia kine baroh. Lada ka sorkar kam leh ka seng kan leit ban khang khyrdep noh ia baroh ki karkhana ha ka jylla.
U Bah Louis la ong ba lada ka ka jingdon ki karkhna ha kane ka jylla kim lah ban ai kam ai kam ia ki trai jylla kam don jingmut ban don ia kine ki karkhana ba kinshu pynjot kai ia ka mariang bad khlong lut ia ki jingdon ki marpoh khydnew na kane ka jylla.
