Shillong, Jymmang 30: Ka Khasi Students’ Union (KSU) Lyngam Hynneng Brei Area Unit hapoh ka jingialam jong U Samla Anselm Ryntong President bad General Secretary Samla Nisroy Riangjong ha ryngkat ka jingsynran lang U Samla Banshanpaul Sohbar Organizing Secretary bad Samla Joswell War Finance Secretary haka 28 tarik Jymmang 2021.
Ha katei ka sngi ka la leit ia kynduh ia U J. S Syiemiong Assistant Excutive Engineer jong ka Mawshynrut Sub – division P.W.D Roads ban pynsngew iaka jing suki treikam jong ka M/S Royal Construction iaka jingtrei iaka surok na Umdang haduh jaiaw na ka PMGSY scheme kaba jrong 13. 868 kilometers bad ka jingleit kynduh kitei ki Nongialam ka seng kadei namar ka jing jynjar ki paitbah ka thaiñ haka leit ka wan khamtam ia kiba pang ba shitom ha kum kine ki por lyiur kaba buh jingeh shibun namar ka jingslap khah khah.
Kumta ka seng ka la kyntu Ia katei ka Royal Construction lyngba ka tnad P.W.D Roads Mawshynrut Sub-division ban pynkloi noh iaka jingtrei bad mar mar naka liang jong U Assistant Excutive Engineer ruh U la phah iaka jingthoh sha katei ka company bad ha kajuh ka por U la kular ruh ban leit ban leh ruh iaka joint enquiry ryngkat bad ka seng ban lap iaka jingshisha ha ki khyndiat por.
Ka seng ka ai khublei ruh ia U J. S. Syiemiong uba dei U Assistant Excutive Engineer Mawshynrut Sub – Division P.W.D Roads uba la kloi shisha ban shimkhia iaka kam bad ruh ha kajuh ka por ka seng ka maham ruh ia katei ka company kaba leh kuman iaka jingtrei kaba buh jingeh shibun iaki paitbah ka thaiñ.
