Shillong, Naiwieng 24: Ka pdeng jong ka kynhun wat bniah jong ka Bhutan Gross National Happiness Studies (GNHS) mynta ka sngi ka wan ban jngoh ia ki ophis ha Khasi Hill Autonomous District Council (KHADC) ban tip bniah halor ka jingtrei kam jong ki lai tylli ki ADC hapoh ka jylla Meghalaya.
Haba ia kren bad ki lad pathai khubor, Ka Kencho Dema ka research scholar na GNHS ka ong ba ka mat ba kongsan ka long ban tip bad ban pule bniah halor ba kumno ki disctrict council ki pyndonkam ia ka bor jong ki khamtam ha kaba ia dei bad ki judiciary system bad ka jingtreikam jong ki ADCs.
Ka la ong, Ha ka rukom pyniaid ha ka jingialang, Nga pyrkhat ba ngi lah lap shibun eh ki jingiasoh bad ki mat kylliang kiba iadei ha kane ka jylla bad ka ri jong ngi bad ngi kyrmen ba ha ki sngi ban sa wan ngin dang lah ban shim jinghikai na ki ADCs ka jylla jong phi
Ka Dema ka ong ba katei ka jingialang ka dei ka rukom wad jingstad ba ki jingtip lah shim lang na baroh arliang kata na ka GNHS bad ka KHADC.
“To ngin hikai kylliang iwei na iwei bad to ngin pyrshang ban wanrah, ia kaei ka ba bha na ka ri jong ngi bad na Kane ka jylla khnang ba ha ki sngi ban sa wan Kane ka jaka Kan kylla long ka jaka ba bha tam ha kylleng ka pyrthei”
Ha kajuh ka por u chief executive member (CEM) ka KHADC U Pyniaid Sing Syiem u ong ba ka mat ba kongsan jong katei k jingwan jngoh jong ki briew kiba lah phah na ka GNHS ka long ban tip shaphang ka bor bad ka jingtreikam jong ki ADCs ha Meghalaya.
U la ong ba hapdeng ka jingiaid ki jingwad bniah, ki Scholars na Bhutan ki pynlong ia ki jingpule ha kaba iadei ruh bad ki tradition, culture, bad ka ktien ka thylliej jong ki briew ha baroh lai tylli ki ADCs bad ruh ban hikai shaphang ka jingioh kynti ia ki jaka ha Meghalaya.
