Shillong, Jylliew 27: Mynta ka sngi u CEM jong ka KHADC u bah Pyniaid Sing Syiem, u Chairman u bah Lamphrang Blah, bah Charles Marngar Deputy Chairman mynta ka sngi kaba dei ruh ka lyngkhuh snem jingdap kaba 71 snem ka District Council kila leit ban ia kynduh ia u bah DD Lapang myntri Rangbah ba rim ka jylla ha iing sah jong u ha Lower Lachumier, Shillong.
Kane ka jingleit ia kynduh ka don ka jingthmu ka long kum shi bynta ban kynmaw ia ka jingshakri jong u tei u rangbah ia ka jylla ha ka por ba u dang long kum u Myntri Rangbah ka jylla.
Ha ka juh ka por u la dei u wei u ba la ia don bynta ha kato ka por kumno ban kyntiew ruh iaka District Council, ha Kane ka jingleit ia kynduh na kaliang U CEM bah Pyniaid Sing Syiem u la ai ki kyntien kyrkhu kyrdoh ia U Dr.D.D.Lapang, bad pyrto ia ki kam jingshakri, ia u syniang u bynhei ha ka por da dang don ha ka sain pyrthei.
Ha kane ka jingiakynduh na ka liang jong u bah D.D.Lapang, ruh u la pynpaw ia ka jingsngewnguh kaba khraw ia u CEM, namarba u la kynmaw ban wan jngoh ia u ha Kane ka sngi.
U la air uh ia ka jingkyrkhu kyrdoh iaka EC kaba thymmai ba la ialam da u bah Pyniaid Sing Syiem, kum juhia ki EM ba thymmai iaka Legislative wing ia u Chairman bad u Dy.Chairman, bad ia baroh ki MDC hapoh ka KHADC.
