Kynjah ka sor Shillong ha ka sngi  ba khot ka MJACCV ban nym mih ki kali ha surok

Shillong, Rymphang 15: Ka nongbah Shillong mynta ka sngi kala shah ktah ha kane ka sngi ba ka seng Meghalaya Joint Action Committee on Commercial Vehicles ka khot ka wer ia ki paidbah ban nym ia mih ki kali ha surok ha kine ki 48 kynta kum kadak ban pyrshah ia ka jingkiew palat ka umphniang petrol bad Diesel.

Ki kali kiba mih ban kit ia ki nongleit nongwan dei tang ki kali sorkar kiba la tip kum ki kali saw bad kine kila mih ban kit ia ki nongleit nongwan sha ki bynta bapher bapher jong ka nongbah Shillong namar kine ki dei ki kali kiba la pyniaid da ka sorkar Meghalaya.

Kane ka jingbym ia mih ki kali ban iaid kumba la khot ka MJACCC, kala ktah ia ka leit ka wan jong ki paidbah, ki iew ki hat khamtam eh ia ka Iewduh bad ka Police Bazar, wat la ki dukan ki plie hynrei ki nongwan thied wan pet kila duna haduh katta katta mynta ka sngi.

Kane ka jingkhot  ka MJACCV kala ktah ym tang ia ki iew ki hat hynrei wat ki ophis jong ka sorkar jylla naduh ka Main Secretariat bad ki khlieh jong ki tnad sorkar kila shah ktah namar bun ki briew kim shym la treh ban sei ia ki kali jong ki ha kane ka sngi.

Ha kane ka sngi la iohi ba ki surok ha kane ka nongbah shillong kila thylli bad ki kali kiba iaid baieng ki duna bha, bad la iohi ba bun na ki briew kila iaid da ka kjat ban poi sha ki kam ki jam jong ki kiba man ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet