Shillong, Nohprah 16: Ki shipai mynta ka sngi kila pynlong ia ka jingkynmaw burom ia ka jingdap 45 snem jong ka jingjop thma pyrshah ia ki shipai jong ka Ri Pakistan haq u snem 1971 ia kaba la ai kyrteng ka Vijay Diwas.
Kane ka dei ka jingjop jong ki shipai jong ka Ri India pyrshah ia ki shipai jong ka Ri Pakistan ha u snem 1971 ha kaba ka kynhun shipai n aka 101 area kila long ki shipai jong ka Ri India ban ioh rung nyngkong hapoh jong ka Nongbah Dhaka ha kum kane ka sngi 16th Nohprah 1971.
Kane ka kynhun shipai kaba shlur jong ka 101 Area kila aiti shisha ia la ka jong ka jingim bad kane kala wanrah ia ka jingpynlaitluid ia ka Ri Bangladesh kaba mynta. Ban kynmaw burom ia kane ka sngi u Lt Gen DS Ahuja, GOC 101 Area u la buh ia u syntiew ha ka “war memorial” ha Shillong kane ka long ka jingburom ia kito ki shipai kiba la aiti ia la ka jingim namar ka Ri.
