Shillong, Naitung 18: U National Working President ka NPP, u James K. Sangma ha ka jingthoh jong u, u la ong ba ka National People’s Party (NPP) kala pynpaw iaka jingbym sngewtynnad jong ka bad ha ka juh ka por iaka jingkhuslai ba nang kiew halor ka jingpynthut bad pynshoi na ka por sha ka por iaki nongmihkhmat jong kane ka seng ba la shah jied da ka Naga People’s Front (NPF).
Ka seng National People’s Party (NPP) kala kynnoh ba ka seng Naga People’s Front (NPF) kaba synshar ka leh ia kaba mut ban pynduh nongmuna ia kiwei ki party kiba ia pyrshah. Ka NPP ka ong ba la pynbor iaki dkhot jong ki ban phet sha ka NPF da kaba kynshoit ban ai noh iaki pisa pynroi bad ki skhim sorkar.
Kane ka rukom leh politik ka kdew shai ba ka NPF ka pyrshrang ban pynpaw bad pynkhlain iaka bor jong ka da kaba ring jubor iaki nongialam shnong na ki sor bah kiba kynthup iaka Kohima bad ka Dimapur.
Ka seng NPP ka ngeit ba ka jingiakhun politik ka dei ban long ha ka jingai jingmut, believes that political competition should be based on ideology, ka jingshakri paidbah bad ka jingioh jingshaniah jong ki paidbah, ym dei ban nion ia kiwei ki party da kaba thew iaki nongmihkhmat ba la shah jied bad ki rukom synshar kiba pyrshah iaka demokresi.
Kine ki jingjia kiba la mih, khamtam eh halor ka jingkylla liang party ki long kiba pynsngewsih shisha. Ka jingtip bad ki jingiakhih kiba la poi sha ka party ki pyni ba la pynbor iaki nongmihkhmat da kaba pyntieng ba yn nym pynioh shuh iaki pisa pynroi bad ki skhim sorkar lada kim pyniasoh ialade bad ka party kaba synshar.
Lada kine ki jingujor ki dei shisha, ki pynsuhkhlieh shisha halor ka jingpyndkoh iaka bor sainpyrthei bad ki pynsniew iaka nongrim jong ka demokrasi bad ka roi ka par ka dei jong u paidbah bad ym dei ban pyndonkam iaka kum ka kor pynbor ha ka sain pyrthei.
Ka synshar paidbah ka shah rem ha ka jingshah shilliang, haba ki nongsynshar ki sam tang ia kiba kyrshan iaka party jong ki. Ka National People’s Party (NPP) ka la pynneh iaka jingiadei kaba sngewtynnad bad kaba jan bad baroh ki kynhun sain pyrkhat ri lum bad ka ri baroh, kynthup iaka NPF.
Kumta, ka sngewduh mynsiem ban iohi ba la don ki jingpyrshang kiba bun sien ban pynsheptieng bad thmu ban pynshoi iaki nongmihkhmat ka party kaba iatreilang, ha ka jaka ban shah ba ka jingiakhun kaba bha bad kaba khuid kan long katkum ka riti jong ka demokrasi.
Ka Seng ka dang bniah ban bishar iaki jingkylla ha Nagaland bad kan shim ia baroh ki lad ki lynti ban pynbeit ka seng ban pynkhlain iaka nongrim ha man la ki kyrdan. Ka jingjia kaba mynta ka pynpaw iaka jingdonkam ban pynkhlain iaka seng, ban kyntiew iaki nongialam na tynrai bad ban tei iaka seng kaba khlain kaba ym lah ban pynsheptieng bad pynkylla nong da kiwei.
Ka party NPP ka sngew shaniah ba ki paidbah jong ka Nagaland ki donkam iaka sain pyrthei kaba kaba shong nongrim ha ka jingngeit, jingkitkhlieh bad ka jingshakri paidbah, ym shong ha ka sain pyrkhat kaba kyrsih da ka jingshah pyniaid da kiwei bad ka jingpynleit tang sha ka jingmyntoi shimet.
Ka party ka pynthikna iaki nongtrei bad ki nongkyrshan jong ka ba kan pynkhlain ialade na kine ki jingiakhun bad kan bteng ka jingtrei jong ka ban pynioh iaka sain pyrthei kaba ki paidbah ka Nagaland kin shaniah.
