Shillong, Naitung 18: U Rangbah shnong ka shnong Mawlyndep bad ki nongkit kam shnong mynta ka sngi kila pynsngew paidbah ia ka jingkiew palat pud ka bai light ha katei ka thain Mawlyndep, hynrei la kren tang ia ka shnong Mawlyndep kum u rangbah shnong.
Haba kren ha ki lat pathai khubor mynta ka sngi ha Shillong Press Club la ong u bah Jinu Kharbuki ba dei u Rangbah shnong la ong haba ki paidbah ki wan ud u la shim ia ki bill light ba rim bad ba thymmai ban ia nujor, kaba sngewkhia ka long ba mynta kala kiew syndet kaba la ktah ia ki paidbah kiba bylla sngi.
Na ka liang jong ka Meghalaya Power Distribution Corporation Limited, ki ong ba dei ki defective meter kaba ki nongkyndong kin tip shano, ha ka jingshisha kito kiba wan khien ia ka bill light ki dei ban pyntip sha ki trai lane ki dei ban ai shithi ban bujli ia u metter.
U Rangbah shnong laong ba ka shnong jong ki ka dei tang ha rud ka wah umiam hynrei lip light khah khah, mynshuwa ki don linemen ki don ar ngut bad mynta don sa tang u wei ba shutrei sngi ban peit ia ki 29 tylli ki shnong, slap ruh lip light, lyer ruh lip light ba tang marwei um lah shuh ban pynbiang.
Na ka liang u rangbah shnong la kyntu ia ka sorkar ban buh la kumno kumno lai ngut ki briew ki batrei la ki buh ha kano kano ka rukom ruh kumba ki long ha ki por kiba la dep, ha katei ka jaka ki don bun ki jaka pule bad ki Hotel bad kaba ktah eh ka long ia ki samla pule.
Kumta ka dorbar shnong kim lah shuh ban leit sha ophis namar man ka por ki leit ki bun ki daw kiba ki ai da kumne da kumtai kumta kim ban se ba kin pyntip ia kane lyngba ki lat pathai khubor ba ki bor sorkar kin tip.
