Shillong, Jylliew 10: Mynta ka sngi bah Nongbah Nongtdu president ka Hima Sutnga Youth Federation (HSYF) u la kynnoh ba ka Cosmos Company Ltd kala pynjot ia ki khlaw hapoh jog ka elaka Sutnga bad kane ka jingpynjot kala long kumba 2 lane 3 kilo meter.
Haba kren ha ki lat pathai khubor la ong ba ka dorbar jong ka eleka kaba la long ha ka 10/Rymphang/2024 kala shim ia ka rai bad la phah khang ia katei ka kompeni ba kan sangeh ia ka jingpynjot ia ka mariang hynrei haduh mynta kam pat sangeh.
Ki jaka kiba shah ktah na kane ka jingpynjot ia Cosmos Company pvt Ltd ka long mar jan bad ka shnong Umthe, Umpoh, Tongspo, Umsngad bad kiwei kiwei, la ong ba ia mynta ka elaka ka don ia u Doloi bashipor la shisnem tam u bah Bankupar Sutnga ia kaba ka JHADC kam pat pynlong ia ka elekshon.
La ong ba ia mynta u dang wat jingtip balei kane ka kompeni ka pynjot ia ka mariang bad nangne sha khmat kum ki paidbah ka elaka kin nym lah ban shu sngap kin hap ban mih ban pyrshah ia lada ka kompnei kam sangeh kumba la rai da ka dorbar Elaka.
