Shillong, Nohprah 04: Ka seng Meghalaya Liberation Association Of Visually Impaired mynta ka sngi ha ka jingiakynduh bad ki nongthoh khubor ha Shillong press club ki la pynpaw ba kila shim ia ka rai ba kin pyndamnoh ia ka seng ka jong ki .
Ha ba ai jingkren ha kane ka sngi na ka liang u bah L Rynniaw u la pynpaw ba ka jingpynduh pyndam noh ia kane ka seng ka long ba kila don ki katto katne ki khynhun kiba la ju shim kabu ha ka ban leit ban lum pisa na ki paid bah bad ki nongshong dukan ha ki iew ki hat kiba don ha nong bah Shillong.
U la ong ba jingpyndam noh ia kane ka seng ka long ruh ban khang lad ia ki nong shim kabu la ki long kaba duna dkhot met ne ki briew ki ba biang dkhot met ki baju leit ban lum ia ka jingiarap pisa.
La pyn paw ba ki la don ki katto katne ki kynhun kiba la juh let ban lum ia u synniang na ki paid bah khlem ka jingtip ki nongialam ka seng kane ka jingshim kabu jong ki katto katne ka la pynlong ia kane ka kynhun ban shim ia kane ka rai ha ka ban pynduh pyndam noh ia kane ka seng.
U bah L Rynniaw u la ong bana ka liang ka seng ka la shim ruh ia ka rai ha kaba ki seng pat da kawei ka khynhun kaba ki la khot kyrteng ka National Inclusive Society ha kaba ha kane ka kynhun yn kynthup lang ia baroh la ka long ia ki ba duna dkhot met.
