Shillong, Naiwieng 27: Ki paid riew ngeit jong ka balang Katholik jong ka jylla naim bah Shillong Archdiocese ka pynrem jur ia ka jingsit pathar ki pulit Assam ha shnong Mukroh jong ka West Jaintia Hills District ha kaba san ngut ki mynsiem briew kila khlad bad bun kiwei kila mynsaw.
Na ka liang ka balang ka phah ia ka khubor sngewlem sha kiba ha iing ha sem bad duwai na ka bynta ba kin ioh noh ia ka jingkoit jingkhiah, kum ka balangka kwah ban don ia ka shong suk shong sain hapdeng baroh ki jaidbynriew.
Ka balang Katholik ka kyntu ia ki paidbah baroh ba pynneh pynsah ia ka shong suk shong sain bad ka sorkar jylla kan rah ia kane ka jingeh sha ka sorkar pdeng bad kum juh sha ka sorkar Assam ban wanrah ia ka jingshong suk.
Ha ka juh ka por na ka liang jong ka balang ka kwah ban iohi ba kiba ngat ha katei ka jingjia kaba sngewsih kin ioh ia ka jingbisahr kaba hok, na ka liang ka balang kala dep ban pynlong ia ka jingduwai ha iing mane bah, kane ka logng katkum ka kyrwoh kaba la phah da u bah JA Lyngdoh President ka Catholic Association bad u bah Barnabas Nangbah u General Secretary Catholic Association.
