Shillong, Rymphang 14: Mynta ka sngi ka seng HANM seng kmie kala ia kynduh ia u Lamphang ka iing dor thwain ka jylla u Thomas A Sangma bad ha kane ka jingiakynduh kala kyntu ia ban kren khasi bad Garo hapoh Assembly.
U President ka seng u bah Lamphrang Kharbani haba kren ha ki lat Pathai khubor ha dien ka jingiakynduh bad u Lamphang ka iing dorbar, ka long ban pynkynmaw ba ka iing dorbar tahwain ak jylla kala shim ia ka rai ban pynrung ia ka ktien khasi bad Garo ha ka khyrngit kaba phra jong ka Riti synshar jong ka Ri India.
Dei halor kane ka nongrim ba ka seng kala ia kynduh ia u Lamphang ka iing dorbar ba kyntu ban kren ia ka ktien Khasi bad Garo, ai ki MLA Khasi kin kren khasi bad ai ki MLA Garo kin kren Garo bad ban ia sngewthuh lang don kam ia ki nong pynshai ia ka ktien.
La ong ba ha dien ka MP elekshon ka seng kan sa leit biang sha Delhi ban ia kren ban pynthikna ba ia ka ktien Khasi bad Garo dei ban pynrung noh hapoh ka khyrngit kaba phra jong ka Ri India bad la don kam ban ia khih ruh kin iakhih ym shuh da kaba shong kyllain mungor hyrei da kaba shah thang.
Ha kane ka jingiakynduh na ka liang jong u Lamphang ka iing dorbar u la shahskhor ia kaei kaba ki nongalam jong ka seng kila dawa ban peit ia kaei kaba lah ban leh ia kaei kaba don kam ban ioh rung ka ktien khasi bad Garo ha ka Khyrngit kaba phrang jong ka Ri synshar ka Ri India.
