New Delhi, Kyllalyngkot 14: U Myntri Sorkar Pdeng ba dei khmih ia ka Tnat Information & Broadcasting bad ki kam ialehkai, u Anurag Thakur u la iashim bynta ha ka “Prokram Youth Dialogue, India @ 2047” ba la pynlong ha Agartala, Tripura mynta ka sngi. Ha kane ka jingialang, u Myntri u la iakren markhmat bad ki samla kiba don ha kane ka jingialang.
Ha ka jingai jingkren sha ki samla, u la ong, “Haba dei bad ka jingtei ia ka ri, ka jingphaikhmat jong baroh ha ka ri bad kylleng ka pyrthei kalong sha ki samla. Samla kamut ka jingsted, samla kamut ki jingangnud, samla kamut ka bor ba thymmai, samla kamut ka rukom pyrkhat ba thymmai, samla kamut ki thong ba thymmai, samla kamut ka lawei, samla kamut ka jingkyrmen, samla kamut ka sngi. Ka sngi ka phyrnai ban ai jingshaiia baroh. Ki samla jong ngi ruh ki trei na ka bynta ka jingtei ia ka ri.”
Haba ai jingtip shaphang ka Youth-20 ban pynlong hapoh ka G20, u myntri ka tnat ki kam ialehkai u la ong, “Tang ki samla jong ngi ki lah ban pynurlong ia ka jingangnud jong u Swami Vivekananda ban pynlong ia ka India ka Vishwaguru ha ka spah snem ba 21.
Uwei u Narendra u pynurlongia ki jingangnud jong uwei pat u Narendra (Swami Vivekananda). Hapoh ka jingialam jong u Modiji, ka India ka don ha ka lynti ban long ka Vishwaguru bad ka presidency jong ka G20 kadei ka dur jong kane.
U Myntri Sorkar Pdeng u la bynrap ruh ba ka Y20 kata ka Youth 20 Engagement Group hapoh ka G20 kan pynlong ruh ia ki jingialang ha kylleng ka ri bad lyngba kane, yn pynlong ia ki jingiakren Y20 ha baroh ki skul bah, ki skul, NYKS, NSS, Scouts & Guides.
Baroh ki nongialam jong ki ri ka pyrthei kin sngap ia ki samla jong ngi ha u Nailur. U la bynrap ruh ba ha u Nailur ngin aiti ia ka document sha 20 ngut ki nongialam ba tbit ka pyrthei halor kumno ki samla jong ngi kin rah ia ka ri bad ka pyrthei shakhmat.
Da kaba ong ba ki samla kidei ki nongsaindur ia ka India ka ban wan, u Anurag Thakur u la ong, “Ki samla jong ngi ki hap ban raikumno ka lawei jong ka ri kan long. Ka jingkylla ka suinbneng ka ktah ia ki nongrep jong ngi bad baroh kiwei. Kaei kaba ngi dei ban leh halor ka jingum ki jaka sop thah bad ka jingkylla ka suin bneng ka shong ha ki samla jong ngi.”
U Anurag Thakur u la bynrap ruh, “Ngi hap ban rah shakhmatia ka India ha man ki liang. Naduh u 2014, ha ki 8 snem, ka sorkarpdeng ka la shna shibun ki IIT, ki Medical College, AIIMS ha baroh kawei ka ri haba ianujor bad 70 snem ba la leit. Ka sorkarpdeng ka la pynioh ruh ka kad liengsuin kaba heh ia ka Tripura, ka National Forensic Science University, ka madan synthetic na ka bynta ka jingialehkai hockey.
Ngin shna ia ki indoor stadium ha baroh phra tylli ki distrik jong ka Tripura. Baroh ki stadium kin don ki jingdonkam kiba katkum ka juk mynta ban pynlong 15-20 tylli ki jingialehkai. Ngi donkam ki gymnast bad ki nongialehkai na man ka distrik, man ka nongbah.”
Haba pyrkhat ia ka India hadien 100 snem ka jingioh jinglaitluid, u Myntri u la ong ruh, “Paralok, ka ri ka la dap 75 snem ka jingioh jinglaitluid. Ngi rakhe ia ka Azadi Ka AmritMahotsav bad hadien 25 snem ban wan haba ka India kan rakhe ia ka jingdap 100 snem ka jingioh jinglaitluid bad hangta ngi hap ban rung sha ka juk kaba thymmai shisha.
Ka yoga, ka put ka tem, ka cinema bad kiwei kiweikilong ka bor jong ngi bad ngi hap ban rah shakhmatia kane ka bor. U la bynrap ruh ba “Mynta ki CEO jong ki kompani ba heh ha pyrthei kidei ki nong India.
Haba pynshaiia ki polisi jong ka sorkarModi halor ki kam pyntriem kum kaba kongsan, u Anurag Thakur u la ong, ha ki phra snem ba la leit, ngi la shim ki sienjam ba shai da kaba pdiang ia ka polisi pyrshah ia ki kam pyntriem. Ki kam ba thmu ban long lakajong noh na ka India ruh ki la shah rem.
Ka la don ka jing duna kaba 89% ha ka jingdon ki kam pyntriem ha ka thain shateilammihngi. Mynta la weng ia ka AFSPA na bun ki jaka. Ki la don ki jingiateh soskular. Kumjuh ruh, ka jingpynduhia ka Article 370 ha Jammu and Kashmir ha kaba mynshuwa ki lehnoh kimjuailad ban pynher ia ka lama jong ka ri.
Mynta la pynheria ka lama jong ka ri ha man ki surok jong ka Kashmir. Ka jingangnudia ka of Ek Bharat Shreshtha Bharat ka la urlong mynta. Ha kaba kut jong ka prokram, u Thakur u la kyntu ia baroh ki samla ban long ki nongwanrahjingkylla bad ong, “Dei ban kynmaw, ‘Ka jingthepvote ka kham khlain bor ban ia kikuli.’ To ngin rah langshakhmat ia ka ri. Ngin iaidshakhmat ha ka jingim, ym dei ban duh jingkyrmen ngin iatreilang kum ka kynhun.”
