Shillong, Lber 03: Ka Sankardev Collage Shillong mynta ka sngi ka la pynkut noh ia ka taiew lehkmen jong ki samla pule ka College ne ka College Week jong u snem 2024.
Ia kane ka Taiew leh kmen ki samla la wan ban pynhap pyrda noh da u Myntri ba dei khmieh ia ka tnad ialeh kai jong ka Jylla U bah Shakliar Warjri kum u kongsan ha ryngkat ka jingiadon lang jong president bad ki Dkhot jong ka governing body jong ka College, ka Prencipal jong ka College ki Nonghikai bad ki Samla pule jongkane ka College.
Hakne ka sngi jong ka jingpynkut ia kane ka Taiew leh kmen ki samla la ioh ia ki kyntien pdiang na ka Principal jong kane ka College ka Dr Eureka F P Lyngdoh kaba la pynpaw ba na ka liang ka college ka pynshlur ia ki samla pule ba kin ia shim bynta ha ki jingialehkai sports.
Ka la ongruh ba kum kine ki program kiban ai lad ia ki samla pule ban pyni ia ka sap jongki ka ba ki don la ka long ha kino kino ki liang. Ka la ai khublei ruh ia ka Alumni ki b a la wan ban ia shimbynta ha kane ka College week, ka la ai khublei ruh ia baroh ki ba la lah ban pynlong ia kane ka college week ka ba jop.
Ka la ai khublei ia ki nonghikai ki ba la trei shitom ban ai ka jing hikai ha kane ka Collge. Ka la kyntu ia ki khynnah ba kin long ki ki ban noh synniang sha ka iing ka sem, ka imlang ka sahlang bad sha ka longbriewman briew ruh kumjuh.
Ha ba ai jingkren ha kane ka College Week na ka liang u bah Shakliar Warjri u la ong ba na ka liang ka sorkar ka la wan rah ia shibun ki program la ka long ha ka pule puthi ne ka kam ialeh kai, ha kaba u la kyntu ia ki samla jong kane ka college ba kin ia shim bynta ha kine ki program jong ka Sorkar Jylla la ka long ha ka Yes Meghalaya, ka Prime Meghalaya, CM Elevate kumta u la kyntu ia ki samla ba kin mih shakhmat ban shim bynta khnag ba kin lah ban kiew ha ka jingim jong ki.
U bah Warjri u la ong ruh ba na ka liang ka Sorkar ka la trei shitom na ka bynta ki samla ban wanrah ia ki kam pynroi. Kumta u la kyntu ia ki samla ba ki dei ban don ia ka jingmut jingpyrkhat ki ba bha khnang ba ki lah ban kiew ha ka jing im jong ki. U ka kyntu ia ki samla pule jong kane ka collge ba kin long ki ba trei shitom khnang ba ki lah ban kiew haba roh ki liang.
Ha kane ka sngi pynkut ia ka college Week la kham pynshongkun shu shu da ka jingia shim bynta lang jong ki Nonghikai ha ki jingrwai bad la ioh ruh ban pyni ia ka jingle kai drama lyngkot na ki khynnah pule jong kane ka college.
Hakane ka taiew leh kmen la lah ban pynlong ia ki program ialehkai ba pher bapher kum ka Foot ball, basket ball, ia tantyllai, scavenger haunt, Mawpoint, Basket ball, Debate, Essay, nalor ki program shad bad Rwai bad kiwei kiwei. Kane ka College week ka long ka ba shong shit bad kaba shongkun bha da ka jingiashim bynta jong ki Khynnah pule jong kane ka College.
