Shillong, Jylliew 26: Ka Hynñiewtrep Border Ddispute Movement (HBDM) , Labang nongphyllud pangam Raliang committee Ha ryngkat u MDC u bah Abor Shadap mynta ka sng ka sngi ki la ioh ban iakynduh bad u myntri rangbah duh ka jylla Meghalaya U Conrad K Sangma ban kyrpad ban wanrah biang ia ka Block-I hapoh ka jylla Meghalaya.
Haba iakren bad u bah Aibor Shadap u ba long u MDC jong katei ka thaiñ u la ong ka block-i ka dei hi ka bynta jong ka Meghalaya ha ka por ba dang ioh ia k Jowai Civil Sub-Division, hynrei tang kumba katto katne por la transfer ia ka sha ka mikir Hills bad North chacher Hill district, hynrei mynta la 70 snem tam ba kine ki jaka ki la don sha ka District Karbi Anglong.
Shuh-shuh u la pynpaw ba ki nongshong shnong ha kitei ki jaka ki dei tang ki pnar suda ha kaba Ka kheinkur khein jait, ka riti dustur, ka ktien ka thylliej bad nadong shadong hi ka dang na ka rukom khein ki khasi-pnar, ki shnong ki thaw ki ba la long da ki spah snem, lada pynlong ka jingleit jurip la lap ki nongrim ba ki dei hi ki pnar.
U la ong ba Jan 36 tylli ki shnong pnar ki ba don ha kitei ki jaka, ha ka ba ki la mat shibun ki jingeh ha kine ki sngi ba ka la don ka jingshah pynwit bad shah khang lyti ia ki, bad ruh ym tang katta hynrei, ym shym la kheiñ shuh ia ki kum ki briew hynrei, la kheiñ ia ki kum ki mraw.
Wat haduh ba ki la duh noh ruh ia ka hok long briew man briew. Kane ka la pynlong ban nym lah shah shuh ia ka jingshah pynshitom. Na ka liang jong ki hi ki buh ia ka jingkyrpad ia u myntri rangbah ka sorkar jylla ba lada kane ka jing ia pynbeit pud ka poi sha ka jingiasuk, ki kyrpad ban pyn wanphai hapoh ka jylla Meghalaya.
