Shillong, Lber 30: Ka party UDP ka don ka jingkyrmen skhem ba kan jop ha Kane ka elekshon sha ka iing dorbar Jong ka GHADC ka ban long ha ka 12 tarik Iaiong u bnai ban wan.
U Dr Jemino Mawthoh general Secretary ka party UDP la iathuh ba baroh ki kyrtong ba k party kala pynieng ki long 18 ngut bad ka party ka sngewthuh ba kin jop ha Kane ka elekshon ba mynta.
La ong ba haba ki nongialam ka party kila leit ban kanbad elekshon sha Garo Hills kala pynkynmaw ia ki paidbah ba dei ka sengriewlum bala pynkhih ban ioh la ka jylla bad kat ba ki leit ban ialap ki paidbah ki iatuid ban sngap ia kaei ka ba ki nongialam ka UDP ki kren.
U Dr Jemino u ong ba kum ka party ki don ka jingkyrmen ba kin jop ha Kane ka elekshon sha ka iing dorbar thawain ka GHADC kaban long ha ka 12 Iaiong, ki nongialam ka party kila ia leit ban ai ka jingkyrshan ia ki kyrtong ka party.
