Shillong, Nailar 18: Ka jingialang jong ka Con
gress Legislature Party (CLP) ha ka jingialang kaba la long mynta ka sngi kala shim ia ka rai ban kyrpad ia ki paidbah jong ka jylla ba kin bat ban pynneh pynsah ia ka jingshong suk ha ka jylla.
Haba kren ha ki lat pathai khubor u Dr Mukul Sangma nongialam ka liang pyrshah u la ong ba kane ka sorkar kala shynrain na ka kam kaba ka dei ban pyndep kum ka sorkar ban iada ia ka jylla, ka bynta kaba ha khmat eh jong kano kano ka sorkar ka long ban iada ia ki paidbah ka jylla.
La ong ba ka dei ka kam ram jong ka sorkar ban wanrah biang ia ka shong suk shongsain, ha ki por kiba la leit ki sorkar kila trei shitom ban ialeh pyrswhah ia ki kam lehnoh bad ban wan rah ia ka jingsuk, hynrei mynta kane ka jingshong suk kala sdang ban syntuid biang.
U Nongialam ka liang pyrshah u la ong ba ka por kala dei ban don noh ia ka sorkar kaba thymmai, ia kane u la pynsngew sha kiwei ki party bad halor kane uns a thoh da ka shithi sha ki seng sain pyrthei.
U Dr. Mukul u la ong ba yn nym lah ban shu shah ia kane ka jingkhein sting jong kane ka sorkar bad na ka liang jong ka CLP ka pynrem jur ia kane ka jingjia bad ia ka rukom trei kam jong kane ka sorkar ha kaba ialeh pyrshah ia kane ka jingjia.
Haba ia dei bad ka jingiakren ia suk bad ka seng lehnoh HNLC u nongialam ka liang pyrshah u la ong ba kane ka shnong ha ka sorkar ba kan bishar bniah halor ka jingiakren ia suk. Ha kane ka jingialang la don lang ruh kiwei kiwei ki MLA jong ka Congress.
