Kyrpad u Lamphang ka iing dorbar thawain ban ai  Tika ban iada na ka jingpang COVID-19

Mairang, Nailar 31: Kum shibynta jong ka jingrakhe ia ka Azadi ka Amrit Mahotsav kaba long ka jingrakhe ia ka jingdap 75 snem jong ka jingioh laitluid ka Ri India, ka ophis jong u BDO, Mairang C&RD Block ha ryngkat ka jingiatreilang bad ki Village Employment Council (VEC) jong ka Mairang C&RD Block ka la pynlong ia ka Block Level Awareness programme ha  Tirot Sing Memorial Hall, Pyndengumiong, Mairang.

Ha kane ka jingialang u Bah Metbah Lyngdoh uba long u Lamphang ka Iing Dorbar Thaw Ain ka jylla bad ruh u MLA ka thain u la wan kum u Kongsan ha ka jingsynran jong u Bah Jambor War uba long u EM ka Khasi Hills Autonomous District Council( KHADC) uba dei peit ia ka tnat Ilaka bad uba long ruh u MDC ka Pariong-Mawthadraishan constituency uba la wan kum u Symbud Kongsan sha katei ka prokram.

Kiwei kiwei pat kiba la iadon ha kane ka  prokram ki kynthup ia u Additional Deputy Commissioner ba dei peit ia ka  Mairang Civil Sub-Division , u Bah A. Nongbri , u Block Development Officer ka Mairang C&RD Block, u Bah V. Swer, ki ophisar bad ki nongtrei jong ki tnat ba pher ba pher jong ka sorkar, ki Sordar Shnong ka thain bad ruh ki Chairman bad  Secretary  jong ki VEC bapher bapher kiba don hapoh ka Mairang Block.

Ha kane ka prokram, la ioh jingbatai bad jingpynshai paidbah halor kiba bun ki skhim bad prokram bapher bapher kiba kynthup ia ka MGNREGA, PMAY, NRLM  bad kiwei de da ki ophisar jong ka tnat Agriculture, Animal Husbandry & Veterinary, Fishery, Health and Family Welfare bad ruh na u Branch Manager ka Meghalaya Rural Bank, Mairang Branch.

Ha ka jingkren jong u kum u Kongsan, u Lamphang ka Iing Dorbar Thawain ka jylla , u Bah Metbah Lyngdoh uba long ruh u MLA ka thain u la pynpaw ia ka jingkmen ban iadonbynta bad ka jingrakhe ia ka Azadi ka Amrit Mahotsav bad u la ong ruh ba kane ka Block Awareness Programme ka long ka rynsan ia ki tnat sorkar bapher bapher ban pynshai paidbah halor ki skhim bad prokram ia kaba ki ju pyntreikam na ka bynta ka jingmyntoi jong ki paidbah nongshongshnong jong ka jylla.

U Bah Metbah u la kyntu ruh ia baroh kiba la ia wan ban shim bynta ha ka prokram ba kin shimkabu ia ki prokram kiba kum kine kiba long ki lad ki ban kyntiew ia ka ioh ka kot jong ki paidbah nongshongshnong, ka iing ka sem  jongki bad ka imlang sahlang kumjuh.

Haba kren halor ka jinglong jingman ha ka Ri bad ka jylla na ka daw jong ka khlam COVID-19, u Bah Metbah u la kyntu biang iaki paidbah nongshongshnong ki bym pat shim ia ka tika iada COVID-19 ba kin leit ai ia ka tika  kum shibynta ban iada na ka jingsaphriang jong kane ka khlam ha ka jylla bad ka Ri India hi baroh kawei.

U Symbud Kongsan, u EM ka KHADC uba dei peit ia ka tnat  Ilaka, u Bah Jambor War ha ka jingkren jong u , u la ong ba  ka Azadi Ka Amrit Mahotsav ka long ka kabu ia ka Ri India ban kynmaw burom ia ka jingshlur bad jinglenlade jong ki riewialeh laitluid ka Ri kiba kynthup ia U Tirot Sing Syiem, u Kiang Nangbah bad U Pa Togan Sangma kiba long ki riewialeh laitluid na ri lum Khasi, Jaintia bad Garo hills jong ka jylla Meghalaya.

La ong ruh ba ka Mahotsav ka long ruh ka jingrakhe ia ka roi ka par jong ka Ri ha kiba bun ki liang ha ki 75 snem ba la leit naduh ba ka la ioh laitluid na ka jingsynshar jong ka sorkar phareng. La pyniphuh iphieng ruh ia kane ka prokram  da ki skit bad ki jingrwai ieidri ia kiba la pyni bad la rwai da ki dkhot jong ki VEC bapher bapher jong ka Mairang Block.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet