Shillong, Jymmang 26: Ka Khasi Students’ Union lyngba ka Education Cell CEC ka phah ïa ka jingkhublei ba kyrpang sha baroh ki samla pule kiba la ïoh ban kheit ïa u soh jong ka jingjop ha ka jingiakhun jong ki ïa ka SSLC, HSSLC Arts, Science, bad Commerce stream Examination 2023.
Ka seng ka ai khublei khamtam sha kito ki samla khasi ki ba poi sha ka thup jong ka Top 10th bad Top 20th, ba ka jingtrei shitom jong phi bad ka jingioh jong phi ïa u soh u ba bha ka long ka jingkmen.
Ka jingsarong bad ka jingkyrmen ïa ka jaitbynriew baroh ka wei ha kum kine ki por ba ka jaitbynriew ka donkam ïa ki samla kiba stad ba shemphang ban ïada ïa ka jaitbynriew na ki thma ba jar jar u nongwei.
Kumjuh ruh ka seng ka ai khublei kyrpang sha ki kmie ki kpa bad sha baroh ki Nonghikai kiba long ki ratbah ban kyrshan ïa ki samla pule ba kin ïoh ïa u soh jong ka jingjop.
Lyngba ka ne ka kyrwoh ka seng ka pyntip ba kumba ka ju leh ha ki snem kiba la dep ba ka kloi ban ïarap ïa ki samla pule kiba dei ki paradoh para snam lada ki don jingeh ha ka ba ïadei bad ka admission. Lada ki samla ki kynduh jingeh kin phone ha ki ne ki numbers harum,
+91 84140 47191 (Pynkmenlang Sanmiet Education Secretary CEC) ,+91 70050 00599 (Richest Malngiang Ats. Education Secretary CEC), +91 93620 72048 (Shelkitbok Kharbani Ast. Education Secretary CEC) kne ka long katkum ka kyrwoh bala phah da u samla Pynkmenlang Sanmiet Education Secretary, KSU seng kmie.
