Shillong, Iaiong 11: U Symbut myntri rangbah ka jylla u Bah Prestone Tynsong u la ong ba wat la ka sorkar kala shim ia ka rai ban shah ban plie noh ia ki iew ha ki nongkyndong ba juh long shisien shitiaw ha dien ka 15 tarik mynta u bnai, hynrei la aibor ha ki Deputy Commissioner ba kin shim ia ka rai la ban plie ne khang.
Haba ia dei bad katei ka rai jong ka sorkar ka Deputy Commissioner jong ka Ri Bhoi District kala dep ban pyntip paidbah ba ha Ri Bhoi District yn nym pat shah ban plie ia ki iew hapoh jong ka District.
Na Garo Hills ka seng AWYO kala dep ban pynpaw ia ka jingsngewkhia ka jong ki ha kaba ia dei bad kane ka rai ban plie ia ki iew namar ba bun na ki iew ha khappud bad ka jylla Assam ki nongdie kiba bun ki wan na ka jylla Assam.
Ka seng FKJGP na East Jiantia Hills District ruh kala pynpaw ia ka jingsngew jaka ha kaba kila dep ban pynpaw ba wat la la shah ban plie ia ki iew dei ban don ka jingpynrkhing bah ban but ia ka Social Distancing.
