Shillong, Iaiong 28: Ban pynsted ia ka jingtest ia ki briew kiba wan na sha bar ka jylla ha khyrdop Umling ha Ri Bhoi District na ka liang jong ka sorkar kala buh shuh sa kawei ka jaka test RTPCR ban kham pynkloi ia ki ba ieng lain ha katei ka jaka.
U Symbut myntri rangbah ka jylla u la ong ba ka sorkar kala dang pynkhlain shuh shuh ia ki nongtrei ha katei ka jaka namar kumba ka long mynta ia kane ka jaka hap ban peit 27X7, namar kiba wan don kiba poi 10 baje mynmeit, 2 baje mynstep ruh ki nongtrei ki hap ban don ha katei ka jaka.
Khnang ba ki nongtrei kin ioh ban shong thait la buh ia ki nongtrei ha katei ka jaka ba kin trei 6 kynta ha ka shi sngi ha dien ka 6 kynta la wan sha kiwei pat kane ka long ban kham pynsuk ia ki nongtrei kiba la buh ha kane ka jaka.
Ha kine ki sngi la iohi ba ki briew ki hap ban ieng lain ban ioh phah test kumba la buh kyndon da ka sorkar, ha dien ba la ioh ia kane ka jingbun briew haba ieng lain ka sorkar kala shim ia ka rai ban pynkhlain shuh shuh ia kane ka jaka trei ym tang ba buh ar tylli ki jaka test RPTCR hynrei wat ki jaka thoh kyrteng ia kiba wan phai.
