Shillong, Naitung 18: U bah Saiñkupar Nongtraw general secretary bad u ba bat ia ka Publicity secretary ka seng lehnoh HNLC, la pynkynaw ba kala iaid khat hynniew snem naduh u snem 2004 ba ka seng HNLC kala kwah ban poi sha ka jingiakren ia suk hynrei kam shym poi sha ei shaei ruh.
Ha ka kyrwoh kaba la phah da u tei u nongialam ka seng HNLC mynta ka ka sngi sha ki lat pathai khubor la ong ba kum ka seng kila thoh shithi sha ka sorkar jylla, ka sorkar pdeng bad kum juh sha ka tnad kam poh iing ka sorkar pdeng, ka seng kala buh ia ki shithi ba kala dep ban thoh lada ka sorkar ka ong ba ki khlem thoh.
Ia kane ka jingiakren ba ki kwah ban poi sha ka jingiakren ia suk bad ka sorkar ka dei ka rai kaba kila ia shim bad ia kren hapoh ki nongialam jong ka seng, lada ka don ka jingkynnoh ba ka seng HNLC kam kwah ia ka jingsuk, ka seng ka long kaba la kloi ban pyni ia ki shithi ba kala dep ban thoh sha ka sorkar halor ka jingkwah ia kren ia suk.
Haba ia dei bad ka jingkem jong ki pulit ia ki saw ngut ki briew halor ka jingshah kynnoh ba ki dei ki nongiarap ka seng, ka seng HNLC ka kyntait ba kito kiba la shah kem ha ki pulit kim dei ki nongiarap ka seng, la ong u bah Sainkupar ha ka kyrwoh kaba la phah mynta ka sngi sha ki lat pathai khubor.
U bah Sainkupar u nongialam katei ka seng lehnoh kaba la shah niew beain ha ka sorkar, u la kam ba baroh saw tylli ki jingpynbethei bom ha ka jylla, kawei ka Shallang West Khasi Hills bad lai sien ha East Jaitia Hills District dei kaba la pynbthei da ka seng HNLC, u la kam.
