Shillong, Jymmang 16: Ki shipai Bangladesh Border Guard (BGB) kila ioh ban pynlait im ia u samla Dajied Syiemlieh, na Bangladesh kaba hap hapoh jong ka jingpeit jong ka Sherpur Police station u ba la shah rahbor ha ki riew kiengatiar na Umsur ha ka 27 tarik jong u bnai Iaiong baladep.
Katkum ki thymmei khubor kiba la lah ban ioh la ong ba ha ka sngi nyngkong janmiet kine ki nongrah bor kila iohi ia ki shiapi BGB bad ha kane ka por kila phet krad ia lade bad ki la ieh ia u Dajied Syiemlieh bad ki shipai BGB kisa ioh ban pynlait im ia u na ka kti jong ki nongrah bor.
La iathuh ba mar ia ioh ban pynlait ia u ki shipai BGB kila pyntip sha ki bor shipai jong ka Ri India bad sha u SP jong ka South West Khasi Hills District ha kaba ia dei bad kane ban pynshisha la u dei ne em u ba la shah rahbor na ki bynta jong ka thain Nongjri.
Haba kren ha u SP News Agency u Superintendent jong ki pulit ka South West Khasi Hills District u Bah HG Lyngdoh, u la pynthikna ba ka dei ba ki shipai jong ka Bangladesh kila ioh ban pynlait ia u samla Dajied Syiemlieh na ka shnong Umthied Bynther jong ka West Khasi Hills District. La iathuh ba mynta u dang don ha kit jong ki pulit jong ka Ri Bangladesh hapoh Sherpur Police station ban pyndep ia kaba don kam katkum ki kyndon ain jong ka Ri Bangladesh.Na ka liang jong ki bor sorkar ki dang ialeh ban ioh ban wan ialam kloi noh ia u Dajied sha la ka jong ka Ri.
