Shillong, Iaiong 17: U Returning Officer jong ka 1-Shillong (ST) parliamentary Konstitwensi mynta ka sngi hapoh ka kyndon kaba 126 jong ka Representation of the People Act, 1951 kumba la pynkylla u la pynbna “ Ban sangeh noh baroh ki jingialang kanbas election” .
La khang ym tang ia ki jingialang paidbah, ban iaid paidbah, lakhang ruh ba ym dei ban pyni kano kano kaba ia dei bad ka elekshon la ka dei lyngba ki Telbishon, ne ki lat pathai khubor ne kino kino ki lat phah khubor.
U Sibhi Chakravarthy Sadhu, IAS, District Magistrate bad u ba dei ruh u Returning Officer, 1-Shillong (ST) Parliamentary Constituency, katkum ka bor kaba la pynkup ha u kumta u la pynjari ia ka kyndon 144 CrPC la khang pyrshah ia kano kano ka jingialang beain, kyntup ia kaba pyndon kam ia tyngkhun jingpynsawa hapoh kine ki 48 kynta khlem da ioh jingbit shuwa ban poi ka sngi thep vote.
