Shillong, Naitung 26: Ka kynhun jong ka Coordination Committee on International Boundary (CCIB) mynta ka sngi kala leit ban ia kynduh ia u Bah Shibun Lyngdoh President jong ka BJP ban pynsngew ha u ia Bah Shibun Lyngdoh ia ka jingeh jong ki paidbah ha kaba ia dei bad ki nongshong shnong ha khappud bad ka Bangladesh khamtam na duh Bholahanj jong ka East Khasi Hills District shaduh jong ka Jaliakhola East Jiantia Hills District.
U nongai ktien jong ka seng u Bah G H KHarshanlor haba kren ha ki nongthoh khubor ha dien ba kila dep ban ia kynduh ia u president jong ka seng BJP u la ong ba ha kane ka jingiakren na ka liang jong u Bah Lyngdoh u la bthah i aka CCIB ba kin ai da ka jingthoh ban phah sha u myntri rangbah duh jong ka Ri u Narendra Modi lyngba jong ka seng BJP bad kin sa ia buh ia ka sngi ban ia kynduh ia u markhmat ban ia kren ia kine ki jingeh.
Na ka liang jong u Bah Kharshanlor, u Bah Daniel Khyriem president jong ka KSU, u Bah Kyrmen Myrchiang secretary jong ka CCIB ki la kynnoh b aka sorkar jylla kam shym la leh ei ei ha kine ki snem baroh shikatta dei tang ha dien ba kila iohi ha kilad pathai khubor ba ka tand kam poh iing kala shim i aka rai ba ha ki shnong ba don ha khappud yn ker sainar shiah na Mawthum.
Kine ki nongialam ha dien ba kila iohi ia kane kila ioh mynsien ba wat lada ka sorkar jylla kam shymleh ei ei hynrei ka sorkar pdeng ka la sngewthuh ia kane ka jingeh jong ki paidbah bad kaei kaba kum ka CCIB kala ia kren bad ka sorkar jylla ka long b aka sorkar ka dei ban niew burom ruh ia ki jaka rep kiba long ki pliang jong ki briew ia ka thi ka thain ba roh kawei.
Kaba sngewsih ka long ba u Deputy Commissioner jong ka West Jiantia Hills District u la kwah ban leh noh kloi ban sdang noh ia kane ka jingker sainar shiah khlem da sngap shuh ia ki trai jaka kitei ki nongialam sengbhalang ki kylli u DC ba dang shu wan kumno un tip lut ia u pud u sam bad ka khap Bangladesh.
Na ka liang jong ka CCIB ka pynpaw ia ka jingsngewnguh ia ka Ministry Home Affair ba kala pynmih ia katei ka jingpynbna paidbah bad ka don ka jingkyrmen ba da ka jingialam lynti jongu president ka BJP kan lah ban pynbeit ia kane ka jingeh jongki paidbah ha khappud bad ka Bangladesh.
