Mumbai, Jylliew 16: La plie paidbah ia ka iew phlim documentary kaba nyngkong duh ha ka 18th Mumbai International Film Festival (MIFF) mynta ka sngi. Kane ka sienjam ka long kum u mawmer na ka bynta ka MIFF, kaba pynkhlain ia ka kyrdan jong ka kum ka rynsan kaba halor tam na ka bynta ki phlim non-feature ha ka thain South Asia.
Ka iew phlim documentary, ka sienjam kaba prat lynti, ka thmu ban kyntiew ia ki kam shna phlim documentary da kaba ai ka rynsan kaba kyrpang ia ki nongshna phlim ba kin iadei bad ki nongthied.
Ki nongbei tyngka bad ki nongiatreilang. Kane ka prokram, kaba long naduh ka 16 haduh 18 tarik u Jylliew 2024 ha ka NFDC complex ka la khring jan 200 tylli ki projek na 10 tylli ki ri kiba mihkhmat ia 27 jait ki ktien.
Ka nongshna phlim Apoorva Bakshi ka la plie paidbah ia ka iew phlim documentary ha ka jingiadon lang u Prithul Kumar, Festival Director, MIFF bad Managing Director, NFDC bad ka Smita Vats Sharma, ADG PIB (West Zone) bad CEO, CBFC.
Ha ka jingai jingkren ia kito kiba kwah ban long nongshna phlim, ka Apoorva Bakshi ka la kyntu ia ki ba kin pyndonkam ia ki lad kiba don ha kane ka iew na ka bynta ki jingiadei ba seisoh. “To ngin iakynduh, iakren bad peit ia ki jingmut ba thymmai, ki lad bad jingiatreilang haba ngi don hangne,” ka la ong.
Kane ka iew kan don ia ki bynta bapher bapher, Ka iew pynmih phlim lang, Kane ka don 16 tylli ki projek bad ka pyniasoh ia ki nongshna phlim bad kito kiba lah ban iatrei lang, ki nongpynmih phlim, ki nongpynmih phlim lang, bad ki nongbei tyngka na kylleng ka pyrthei.
Ka Work-in-Progress (WIP) Lab, kane ka pyni ia 6 tylli ki projek kiba dang iaid shakhmat bad ka plie lad ban ioh ia ki jingsngew bad ki jingialam lynti da kaba la tbit ha ka kam khnang ban pynbha shuh shuh ia kine ki phlim.
Ka Viewing Room, Kane ka dei ka jaka ba kyrpang ba pyni 106 tylli ki phlim ba la pyndep, ki phlim lyngkot, ki phlim animation ia ki delegate kaba plie lad ia ki jingiakut ban pyniaid iew bad ruh ka jingpynbiang pisa na ka bynta kine ki phlim.
Ha ryngkat kine, kane ka iew kan don ia ka ‘Open Buyer-Seller Meet’, kaba plie lad ia ki jingiatreilang ha ka jingpynmih, jingpyniasoh, jingdie, jingpyniaid iew ia kine ki phlim. Yn don ruh ka bynta kaba kyrpang ka ban peit ia ka jingiadei hapdeng ka jingshna phlim documentary bad ki kompani.
Ki nongialam ha kane ka kam kum ka FICCI kan iamir jingmut halor ka jingpynbiang pisa ki kompani kum ka atiar na ka bynta ka jingkyntiew ia ki brand bad ka jingwanrah ia ka bha ka miat ha ka imlang sahlang.
Kane ka iew phlim documentary ka thmu ban long ka jaka pdeng na ka bynta ki jingiadei kaba plie lad hapdeng kito kiba la tbit ha ka kam bad kito kiba dang sdang paw ha ka kam.
Da kaba pynbiang ia ka jingkyrshan ha ki bynta bapher bapher jong ka jingpynmih ia kine ki phlim, ka thmu ban kyntiew ia ka jingpyniaid bad ka jingiarap ki phlim documentary ha kylleng ka pyrthei.
Kane ka iew phlim documentary ka ieng skhem ban pynsawa ia ka sur jong ki nongshna phlim bad ban wanrah shakhmat ia ki khana ha ki kam cinema jong ka pyrthei.
Kito kiba iashim bynta kin ioh jingnang jingstad shaphang ki jinglong jingman ba mynta, ki jingdawa ha ki iew, ki rukom pyniaid bad ki jingthrang jong ki nongpeit, ha kaba kito kiba la tbit ha ka kam ki ai jingmut ban iarap ia kine ki projek ba kin poi sha ka thong.
Kane ka iew phlim documentary ka don shibun ki stall jong ki kynhun bapher bapher kum ka Maharashtra Film, Stage and Cultural Development Cooperation Ltd., J&K, IDPA, Cinedubs bad kiwei kiwei. Ka tnat Kam Jngoh Kai jong ka Sorkar Pdeng ka la plie lad ruh ia ki stall na ki ri bapher bapher kum ka Sri Lanka, Belarus, Iran bad Argentina.
