Shillong, Jymmang, 1: Ka tnad transport ha ka jingpynmih hukum mynta ka sngi la ong ba la pynkiew dor ia u number plate kali , naduh ki kali ar shaka haduh ki kali heh . Kane ka jingpynkiew dor ia ki no plate jong ki kali kiba la khot “High Security Registration Plates”.
Ka jingpynkiewdor na ka bynta ki kali ar shaka ban pyndait shijur ki HSRP ka long T.599/- , na ka bynta ki lai shaka ka dor ka long T.999/- bad ia ki kali heh ka long beit T.1458/- na ka bynta shijur ki number plate.
Na ka liang jong ka ophis u commissioner jong ka transport department la ong ba kiwei kiwei ki kyndon ki neh kumjuh , kane ka long katkum ka jingpyntip na ka ophis u Commissioner bad Secretary jong ka sorkar jylla .
