Shillong, Nohprah 06: Kum shi bynta jong ka Viksit Bharat SankalpYatra kaba dang long ha South West Garo Hills, ka la don ka prokram jong ka distrik ha kaba la don ki kam bapher bapherha Boldamgre kaba jngai kumba 12 kilometernaAmpati mynta ka sngi. U MLA ka Mahendraganj, u Sanjay A Sangma u la iashim bynta ha kane ka prokram kum u kongsan.
Ia kane ka Yatra la pynlong da ka District Rural Development Agency (DRDA), bad ka thmu ban pynkupbor ia ki briew jong ka ri da kaba ai jingtip ia ki shaphang ki skhim ba kongsan jong ka Sorkar India. Ka thong jong ka Yatra ka dei ban ai jingtip bad ban plié lad ia ka jingpynpoi ia ki skhim kiba iadei bad ka bha ka miat sha ki briew kiba dei ban ioh ia kine.
Kane ka dei shi bynta ka HamaraSankalpViksit Bharat campaign, kaba peit ia ka jingiarap ia ki briew kiba shem jingeh, ka jingai jingtip, ka jingioh jinghikai na ki briew bad ka jingkyntiew kyrteng ia ki briew kiba dei ban ioh jingmyntoi na ki skhim.
Ka prokram ba la pynlong ha madanialehkai jong ka Boldamgre U. P. School ka la don ki jingai jingshakri da ki tnat bapher bapher kum ka jingkyntiew kyrteng Adhar, jingkyntiew kyrteng ban ioh MHIS Card, jingkyntiew kyrteng na ka bynta ka PMMVY, ka screening ia ki jingpang ki bym pur kum ka TB, ki jingai jingshakri bapher bapher na ka SBI, ka jingplie lad ban ioh shim ram bad ka jingkyntiew kyrteng ban ioh insurance ha ryngkat kiwei kiwei ki jingai jingshakri.
Ha ka jingai jingkren jong u, u Sanjay A Sangma u la kyntu ia ki briew ba kin shim ia ki kabu kiba wan na kine ki prokram ai jingtip hapoh ka Viksit Bharat SankalpYatra bad ba kin wad jingtip shaphang ki skhim jong ka Sorkar Pdeng bad ka Sorkar Jylla kiba ki lah ban ioh.
U la kitbokkitrwiangia kito kiba ioh jingmyntoi na ki skhim bad kito kiba treikambha tam hapoh ki prokram bapher bapher kiba la shah pynkup burom ha kane ka prokram bad u la ong ba kine ki dei shisha ka dak jong ka jingtrei shitom.
Hashuwa kane, u Deputy Commissioner ka South West Garo Hills, R.P. Marak u la ong ba ka Viksit Bharat SankalpYatra ka dei ka sienjam kaba bha namar bun ki briew ha ki jaka nongkyndong kim tip shaphang ki skhim kiba lah ban iarap bha ia ki.
U la pyntip ba ka tnat Ka Rep ka Riang ka dei ka tnat Nodal, bad u la ong ba dang pynlong ia ki prokram ai jingtip ha ki shnong bapher bapher kiba hap hapoh ki saw tylli ki block jong ka distrik ban pynthikna ba ki briew kiba dei ban ioh jingmyntoi na ki skhim bapher bapher ki ioh ia kine.
U la ban jur ruh halor ka jingdonkam ia ki nongioh jingmyntoi na ki skhim ba kin jingpyniasoh bad u Aadhar khnang ban ioh lut ki jingmyntoi na ki skhim.
Hashuwa kane, u ADC & PD, DRDA, R.Z.D. Shira, uba long ruh u District Nodal Officer na ka bynta ka Viksit Bharat SankalpYatra, u la batai shaphang ka thong jong ka prokram bad ki kam bapher bapher ba pynlong ha ka distrik ha kine ki sngi ba la dep bad u la kyntu ruh ia ki tnat Sorkar ba kin bteng ia ki sienjam ban pyniasoh bad ki briew haduh ynda kot sha ka thong ban pynpoi lut ki skhim ba kongsan sha baroh kiba dei ban ioh jingmyntoi na kine. Hadien kane u la ialam ia ka jingbamsmai “HamaraViksitSankalp Bharat Yatra” ba la leh da baroh kiba iashim bynta ha ka prokram.
U Zikzak BDO D. Hajong ruh u la ai jingkren ha kane ka sngi. Ha kane ka prokram kito kiba trei bha tam hapoh ka NRLM, u nongialehkai hapoh ka District Sports Office, ki nongtrei Anganwadi hapoh ka ICDS ki la shah pynkup burom katba katto katne ki briew kiba ioh jingmyntoi na ki skhim ki la iathuh ia ki jingshem jong ki haba ki la shim ia ki skhim bad ki jngmyntoi ha ka bynta “MeriKahaaniMeriZubaani” jong kane ka prokram. Hadien ka prokram la pynlong ruh ia ka jingpyni ia ki video ha ka kali Viksit Bharat SankalpYatra Van bad ka jingai jingshakri ia ki briew da ki Tnat Sorkar.
