Shillong,Nailur 18: Ka jingleh burom ia ki 75 ki shipai hapoh jong ka The Assam Regimental Centre ha ka 17 tarik mynta u bnai ha Parade Ground jong ka Assam Regimental Centre, kala long kaba ia shong kun. Kane ka kynhun shipai kaba la pynrung thymmai ka dei ka kynhun kaba 316.
Ia ka jingleh burom ban pyndep ia ka rukom pyniaid jong ki shispai ARC, la leh da u Brig Sudhir Kumar Jha, YSM, u ba deu u Commandant jong ka Assam Regimental Centre. Ha kane ka sngi la shakhi lang ruh da kiba ha iing ha sem jong kine ki shipai kiba la pyndep ia ka jinghikai ka jong ki.
Haba kren ha kine ki shipai kiba dang shu pynrung thymmai na ka liang jong u Commandant u la kyntu ia ki ba kin don ia ka mynsiem ban shakri ia ka Ri, bad u la kdew ruh ba kumno kane ka kynhun shipai kala noh sha ka jingsha kri ia ka Ri.
U la pyni nuksa ruh ba kumno ki kynhin kiba la leit noh jong kane ka kynhun shipai ARC kila bat shisha ia ki jinghikai bad ia ka burom jong ki kum ki shipai ban iada ia ka Ri, u la ong ba kum ka kynhun shipai na kane ka dong shatei lam mih ngi ki dei ban ia beh sha ka thong.Ia ka jingleh burom la pynkut da ka jingrwai jong kane ka kynhun shipai.
