Nongstoin, Lber 24: U Deputy Commissioner jong ka West Khasi Hills District u bah S Kharlyngdoh u la iathuh ba ka ophis kala dep ban ai jingiarap ia ki briew kiba la shah lynshop ha ka mariang haduh mynta ka sngi kala kot sha ka T.4706718 tyngka.
La iathuh ba ia kito ki saw ngut kiba la duh ei ia ka jingim ka jong ki ha kane ka jingjia kaba sngewsih ka sorkar ka la ai jingiarap mar T.1.5 lak tyngka marwei, ia kiba mynsaw la ai jingiarap katkum ka jingai jingthoh na ki doctor.
Na ka bynta kito kiba la duh ia la ki jong ki iing ki sem ka sorkar ka la ai jingiarap da ki marbam bad ki jain kup bad bun kiwei kiwei ki jingdon kam kam. Na ka liang jong ka ophis ka la leh katba dei ban leh katkum ki kyndon ba la buh.
Ha ka juh ka porn a ka liang jong u DC u la iathuh ba kum ba ka long mynta ka jingiarap kam pat kot lut katkum ka jinglut namar ba ki dang pan pisa shuh na ka sorkar sa kumba T.18 lak tyngka ei ei ban iarap ia ki lanot.(SP News)