Shillong, Jylliew 14: Ka tnad shna surok jong ka jylla Meghalaya kam shym la lah ban siang rong ia ka surok na shnong Sammasi sha shnong Muknor kaba don 13 Km kaba hap hapoh Sutnga-Saipung Konstitwensi hapoh East Jaintia Hills District.
Katkum ka jingiakren bad u SP News Agency, u bah Disphrim Salahe ba na ka shnong Kseh la iathuh ba ia kane ka surok la shna ha ka por ba long MLA u Dr. Barrister Pakem bam kwai hadwar u blei u bala long MLA ar sien na kane konstitwnsi.
Ha dien jong u Dr Pakem, la jop MLA sha u bah Onwardleys Well Nongtdu shisien, u bah Oliverneat Chyrmang arsien, bah Hopeful Bamon shisien bad u bah Shitlang Pale lai sien bad mynta hynrei ia kane ka surok ka PWD kam shym la lah ban siang surok.
U Bah Disphrim, u la iathuh ba kum ki paidbah nongshong shnong na katei ka thian kila leit ban ia kynduh ia ki nongmih khmat jong kin a ka por sha ka por ban ia kren ia ka jingeh kane ka surok kaba la ktah ia ki paidbah nongshnong ha ka leit ka wan khamtam haba kit ia kiba pang ba shitom.
Bun sien ki paidbah ki shem jingeh ban poi sha ki jaka kaba ki thmu ban leit na ka daw ba ki sah kut ha shiteng lynti khatam eh ha ka jaka kaba la tip kum ka Khlieh shnong Pala bun sien ki briew ki hap ban iaid kjat na kane ka jaka katban da poi sha surok bha ha Sammasi.
Ha shilynter kane ka surok kaba don 13 KM ki shnong kiba dei iaid ia kane ka surok ki don lai tylli ki polling Station, ka Pala poling Stationg ha kane ka elekshon kaba la dep ka don 900 Vote, ka Khahnar Poling Station ka don 700 vote bad ka Lyngket Polling shation ka don 400 vote bad kat ban da poi ha u snem 2023 ka jingdon jong ka Vote ruh kala kiew.
Kum ki rangbah shnong ki nongkit kam shnong katei ka thain kila leit ban ia kynduh ia u MLA jong ka Khliehriat u bah Kyrmen Shylla ba dei myntri kane ka sorkar kaba mynta bad kila kyrpad ia ban iarap lem ia kane ka surok, ha ka jingiakren u bah Shylla u la kren shai ba ha jaka jong u ruh dang don bun ki jingduna, hynrei un pyrshang ia kren bad ka sorar, la iathuh shuh shuh u bah Disphrim.
U bah Disphrim u la pynkynmaw ba kila dep ban pynmih ruh ha ki lat pathai khubor ba ba lada ka sorkar Meghalaya kam lah ban leh ei ei ia kane ka surok na ka bynta ka jingsuk kim ban se ban leit ban pyniasoh bad ka jylla Assam, ia kane ka jingthoh ki dang ap ia ka jubab na kane ka sorkar kaba khlem pat jubab haduh mynta.
