Shilllong, Lber, 28:Mynta ka sngi u Bah Embhahlang B. Syiemlieh, MLA ka Mawlai Constituency sngi ula plie pyrda ia ka Annual School Sports ba la pynlong da ka Sacred Heart Girls’ Higher Secondary School, bad la pynlong ha madan ialehkai jong ka Savio Juniorate, Mawlai Motsyiar, Shillong.
Ha kane ka sngi la iadon lang ruh u Bah George Pariat, DI barim, Sr. Maristell Ryngkhlem, Superior ka Sacred Heart Convent, Sr. Albrida Pyngrope, Principal ka skul, Bah H.B Rapthap, Rangbah Shnong ka Mawlai Motsyiar, ki nonghikai, ki khynnah skul bad ki kmie ki kpa jong ki khynnah skul kiba la wan ban sakhi lang ha kane ka sngi.
Ha Shwa ban iaid shakhmat jingiaialehkai, la pynlong ia ka March Past bad ka jingshim smai da ki khynnah skul bad la pynlong ruh ia ka jingthang Sharak.
Ha kane ka sngi U Bah Embhahlang haba kren kum u Kongan, u la kyntu ia ki khynnah skul ba ki dei ban don ka thong na ka bynta ka lawei jong ki kaba shakhmat khlem da peit tang ia kaba mynta.
Ki khynnah skul ki la ioh ban iashim bynta ha ka 200 meter race, 400 meter race, long jump, cock fight ba la pynialehkai tang na ka bynta ki khynnah rit shynrang, bad javelin throw.(SP News)