Shillong, Iaiong 21: Ka elekshon ban jied ia u Chief Executive member (CEM) jong ka Garo Hills Autonomous District Council la buh ba kan long la shai ka sngi, ha kane ka elekshon ka NPP kala pynieng ia u Benedic R marak bad ka Congress kala pynieng ia ka Sadhia Rani M Sangma.
Ki tyllong khubor na ka NPP ki kyrmen ba kin jop wat ia kane ka elekshon CEM ka ban long la shai ka sngi kumba kila jop ia ka elekshon Shongknor mynta ka sngi, kyrmen ba u Benedic un jop khlem jingartatien pyrshah ia ka kyrtong ka Congress.
Ha ka kynhun GHDC ki don 16 ngut ki MDC ha ka iing dorbar kaba 29 ngut, katba ka Congress ka don 12 ngut, u wei u MDC ka BJP kaba ym pat shai la un don ha ka liang synshar ne ka liang pyrshah hapoh katei ka iing dorbar.
