Shillong, Nailur 29: Mynta ka sngi ka High Level Committee (HLC) kaba la ialam da u bah Preston Tynsong symbut myntri rangbah ka ka jylla la ong ba ka sorkar kan pynkynriah ia ki baroh 340 tylli ki long iing kiba na them metor ha ka juh ka jaka.
Ha kane ka jingialang mynta ka sngi bad ki nongmih khmat na ki harijan la ia kren bad la pyni ha ki ia ka jingdro ka sorkar kala pynkhreh, ka sorkar kan phah ia kane ka jingdro sha ki la shai ka sngi bad ha dien ba kila ioh ia ka jingdron ki sa ia shong bad ia mir jingmut para ma ki.
Ha dien ba kila ia shong kin sa shim ia ka rai bad kin sa pyntip sha ka sorkar namar kin sa ia kynduh biang ha dien kane ka jinglehniam Puja, ia kata ka jingong pdiang ne kim pdiang um pat lah ban tip, la iathuh ba katei ka jaka kaba ki thmu ban shna ia ki iing bun mala ka don 2.5 Akar.
U nongialam ka Harijan U Gurjit Singh la ong ba kila ai ia ka jingkwah ka jong ka sha ka sorkar bad ka sorkar ruh kala ai ia ka jingkwah ka jong ka, na ka liang jong ki mynta kin sa pynsngew sha ki briew jong ki ia kaei kaba kila ia kren bad kin sa shim ia ka rai.
La ong ba mynshuwa ki kwah ia ka jaka, hynrei mynta ka sorkar ka ong ba kin shna ia ki bun mala. Haba ia dei bad kane kin dang ap ban ioh ia kata ka jingdro kaba la pynkhreh da ka sorkar ha dien ba kila ioh kin sa ia kren bad kin pyntip ia ka rai ka jong ki sha ka sorkar.
