Shillong, Jymmang 16: U Lamphang ka iing dorbar thawain ka jylla u Thomas A Sangma yn pynshai ia u bah Synshar Roy Lyngdoh Thabah MLA ba dang shah jied kum u MLA ka iing dorbar thawain ka jylla la shai ka sngi ha ophis trei kam jong ka iing dorbar thawain ka jylla.
U bah Synshar u la jop na ka tiket jong ka party UDP na ka 23-Sohiong (ST) Assembly Konstitwensi ha kane ka elelshon kaba dang shudep ha kaba u la ioh vote da 16,679 vote bad pynrem ia u kyrtong ka NPP u bah Samlim Malngiang MLA na katei ka jaka.
Ha kane ka jingpynsmai ia u MLA por saw baje noh phai sngi la khmih lynti ba ki nongialam jong ka party UDP, kum u President u bah Metbah Lyngdoh, ryngkat kiba ha iing ka sem kin ia donlang ban ia skhai ia kane ka sngi ban pynsmai ban un long u MLA ba pura ka iing dorbar thawain ka jylla.
Lah ban pynkynmaw ba ia ka elekshon MLA hapoh ka 23-Sohiong (ST) Assembly Konstitwensi la hap ban pynsangeh noh na ka daw jong ka jingkhlad noh u kyrtong ka UDP u bah HDR Lyngdoh bam kwai ha dwar u balei.
Ha kane ka Election Commission ka Ri India kala shah ia ka party UDP ban buh bujli da u wei u kyrtong bad kala pynieng ia u bah Synshar ban long u kyrtong ka party ha kaba u la jop ia kane ka MLA elekshon na ka party UDP ia kaba ynsa pynsmai la shai ka sngi.
