Shillong, Naitung 16: U Mytnri rangbah ka jylla u Cornad K Sangma mynta ka sngi u la khot ia ka jingialang jong baroh ki president jong ki seng sain pyrthei kiba ia don lang ha kane ka sorkar MDA ban ia mir jingmut namar la shai ka sngi yn leit ia kynduh ia u myntri rangbah ka jylla Assam u Himanta Bisaw Sarma ban ia buh sngi ban ia kren kam pud.
Haba kren ha ki lat pathai khubor ha dien katei ka jingialang la u mytnri rangbah ka jylla u Cornad K Sangma u la ong ba la shai ka sngi yn leit sha Guwahati ban ia kynduh ia u myntri rangbah ka jylla Assam ban ia buh sngi na ka bynta ka jingiakynduh jong ki ar ngut ki myntri rangbah ban ia kren ia ka kam pud kam sam hapdeng kine ki ar tylli ki jylla.
La iathuh ba ha kane ka jingialang kila ia kren ha kaba ia dei bad ka kam bording bad na ka liang jong ki president kila kylli ia kaei kaba la jia hapoh kane ka tnad kam bor ding bad na ka liang jong u u la pynshai bad kila ia mynjur ban ap ia ka kaiphot na ka kynhun tohkit kum juh ia ka tnad Sicial Welfare ruh, ha dien ba la ioh ia ka kaitphot kin sa ia kren biang kumno ban leh.
Kiwei ki kam kaba ki la ia kren ka long halor ka jingwan jong u myntri kam poh iing ka Ri India u Amit Shah ha ka 24 tarik mynta u bnai bad kila ia kren ban rah ha khmat ka mytnri kam poh iing ia ka jingwanrah ia ka jingpynkylla ia ka khyrngit kaba hynriew jong ka Riti Synshar, ban pynrung ia ka ktien khasi Garo ha ka Khyrngit kaba phra bad ia ka Inner Line Permit.
Kiwei ki jigniakren ha kane ka jingiakynduh mynta ka sngi ia ki president jong ki seng sain pyrthei kiba don ha ka sorkar MDA, kila ia kren ka Joint Cadre, ka rta thungkam bad bun kiwei kiwei ki kam kiba ia dei bad ka jylla. U mytnri rangbah u la ong ba halor ka kam pud kam sam don kam ban hap pynleit jingmut jamai bha.
