Shillong, Nailur 27: Ka Khasi Student Union (KSU) East Jaiñtia Hills District Unit lyngba ka Education Cell hadien ka jingujor naki katto katne ki nongshong shnong ka shnong Rymbai ba ym don nonghikai Science la shi snem kynthih ha Rymbai Government Secondary School.
Kane kala jia naduh ba ka sorkar ka la pynkynriah kam ia ki nonghikai kiba juh don ha katei ka school hynrei haduh mynta ka sorkar kam pat lah ban thung biang da kiwei ban long nonghikai ba pura. Kane ka long ka jingduh nong kaba khraw bha iaki khynnah khatam ki ban pynkhreh iaka eksamin matric.
Ka seng kala kyntu ïaka tnad ba dei peit ba kan shimkhia mardor halor kane ka kam khnang ba ki khynnah pule ha katei ka skul kin ïoh ïaka jing myntoi ba paka khamtam iaki khynnah ki ban pynkhreh iaka matric.
Ka seng ka dap da jing sngew bynniaw ba ki khynnah katei ka school ki la duh noh ia jinghikai ha ka Science subject tang na ka daw ba ka sorkar ba peit ia ka tnad pule kam shym la shim khia satia bad patiaw ia ki skul kiba don sha palat sor.
Ka seng ka la lap ruh ba ki class rooms ki la khapngiah sha ba palat pud. Ka seng ka la kyntu jur ia ka sorkar ban shim khia mardor ban pynbiang ia ki nonghikai ha baroh ki subjects bad ki class rooms ki dei ban long kiba kylluid.
Ka seng lyngba ka kane ka lad pathai ka kwah ban pyn sngew sha ka sorkar ba ka dei ban pynkiew kyrdan noh ia kane ka school sha Higher Secondary School namar haduh mynta ym pat don Higher Secondary School ha East Jaintia.
Na ka liang ka seng ka tip ba ka lah don ka proposal kumba 3 snem mynshwa bad ka daw ka long ba ym pat tei iaka building bad ka seng ka lap mynne ba iaka building lah jan dep hi ban shna bad ka sorkar ka dei ban phai khmat ha kaban pynkiew kyrdan ia katei ka Secondary school sha ka Higher Secondary School.
