Shillong, Jylliew 06: U Education Secretary jong ka seng Hynniewtrep Achick National Movement (HANM) u Bah Lambokstar Marwei u la ong ba la sngewrehrain ba ka sorkar Meghalaya ka mang pisa tang 30 tyngka ia u wei u nongpang ha ka shisngi ia kiba leit thiah haki jaka ai jingsumar jong ka sorkar kiba don ha kane ka jylla.
La ong ba ia kane kila ioh ia ka jingtip na u District Medical Health Officer jong ka South West Khasi Hills District kaba ka seng kala leit ban ia kynduh ban ia kren halor ka jingeh jong ki nongleit thiah pang ha ki jaka bapher bapher kiba don hapoh jong ka tei ka District kham tam eh ia kiba leit ban shah sumar ha Mawkyrwat CHC.
Na ka liang jong ka seng ka da sngewkyndit shisha ban tip ba ka sorkar ka mang pisa tang laiphew tyngka ia u wei u nongpang u ba leit ban thiah shah sumar ha ki jaka ai jingsumar jong ka sorkar. Na ka liang jong ka seng ka da kyntu jur ia ka sorkar jylla ba la kumno kumno kan pynkiew sha ka 60 tyngka kan iarap shibun ia ki paidbah.
Ki briew kiba leit ban shah sumar ha ki jaka ai jingsumar jong ka sorkar ki dei kiba duk na kiba duk shisha kiba kham ioh kham kot ki leit sha kiwei ki jaka ai jingsumar ki bym dei jong ka sorkar namar ki kham biang. Na ka liang jong u tei u nongialam jong ka HANM u da ban jur ba ka sorkar kan sngewbha ban pynkiew ia ka jingmang pisa sha ka 60 tyngka ia u wei nongpang ha ka shisngi.
