Tura, Lber 21: U president jong ka seng NPP u Purno. A Sangma u la eit ban thep ia ka nomination jong u mynta ka sngi ha Tura ban ia khun ia kane ka MP Election na ka 2-Tura LS Seat, ha kane ka sngi u kyrtong jong ka seng Congress u Darly CH Momin ruh u la thep ia ka nomination mynta ka sngi.
Ha kane ka jingleit thep kyrteng ia u Darly la synranlang da u Zenith M Sangma, Noverfield Marak bad ki nongkyrshan ka seng Congress kynthup ia ki MLA bad MDC.
Katba ia u Purno A Sangma la synrah lang da ka khun jong u ka Agatha K Sangma, James K. Sangma, John Leslee K Sangma lem bad shibun ki nongkyrshan jong ka seng NPP.
U Darly u la leit ban thep ia ka nomination jong u ha ka por 12 baje shiteng sngi katba u P A Sangma u la eit ban thep ia ka nomination jong u ha ka por 2 baje noh phai sngi.
Haba kren ha ki nongkyrshan jong u, u Darly u la ong bay m don jingsmiej ei ei ruh emb an ia khun pyrshah ia u PA Sangma bad u kren skhem ba kin jop ha kane ka election kaba mynta.
Na ka liang jong u PA Sangma pat u la pynpaw ia ka jingkmen ka jong u ha kaba ki paidbah kila pdiang sngewbha ia u da kaba pyndeng syntiew, u la ong ba ki paidbah kin sa vote ha kane ka kynti kaba mynta ban pynlait na ka kti jong kaseng Congress.
Ha kane ka kynti kaba mynta ka jingiakhun ha kane ka MP election ka long tang para marwei hapdeng u Purno bad u Darly. Ka jingthep kyrteng kan long la shai ka sngi bad ka jingbishar bniah ia ki kot ki sla kan long ha ka 26 tarik mynta u bnai.(SP News)
