Shillong, Lber 18: U Bah Paul Lyngdoh kyrtong MP jong ka seng UDP u la thep ia ka nomination jong u na ka 1-Shillong Parliamentary Seat ban ia khun ia kane ka MP election kaban long ha ka 9 tarik jong u bnai ban wan.
Ha kane ka sngi kiba la synran lang ia u Bah Paul ki long u nongialam jong ka NPP u James K Sangma, u President ka seng u Dr Donkupar Roy bad kiwei kiwei ki nongialam jong ka seng UDP kila ia don lang.
Ha dien ba la dep ban thep ia ka nomination u Bah Paul haba kren ha ki nongthoh khubor u la ong ba dei tang ka seng UDP kaba lah ban ia khun pyrshah ia ka seng Congress bad ha kane ka kynti kaba mynta ka seng Congress da lei lei kan nym wan ha ka bor ha Delhi.
Kumba ka long mynta dei tang u Bah Paul u ba long u kyrtong na ki seng riewlum u ba don ka jingkyrmen na ka bynta ki paidbah kane ka jylla. Hynrei na ka liang jong ki ar tylli kis eng riewlum ka HSPDP bad ka KHNAM kim shym la ai ka jingkyrshan ia u ne u kyrtong.(SP News)
