Shillong, Naitung 15: U Myntri Rangbah ka jylla u Conrad K Sangma mynta ka sngi la plie ia ka website jong ka Meghalaya State Public Services Delivery Commission, kane ka long ban pyntrei kam kham bha ia ka ain jong ka Meghalaya Right to Public Service Act, 2020.
Haba kren ha kane ka jingplie ia ka website u mytnri rangbah la ong ba lyngba kane ka website ki briew ki lah ban apply ia ki jingdon kam jong ki bad ki hap ban siew ia ka dor kaba rit, kane ka dei ka wei na ki bynta hynrei dang don kiwei ruh ki lat ba dang hap ban wat ban pynsuk ia ki paidbah.
U Myntri Rangbah la ong ba lada ia nujor bad kiwei ki website jong ka sorkar kane kan long kaba kham bha ban ia kiwei lada kam dei kaba bha tam, kane ka webstie kan dei ban ai ka jingshakri na ka bynta ki 275 tylli ki jingdon kam ki paidbah dei ban leh kham kloi ia kane.
U Myntri Rangbah la ong ba dei ban pynthikna ba baroh ki jingshakhri ban ai sha ki paidbah dei ban pynioh ia ka por kaba biang, naduh ki ophis jong ki Deputy Commissioner sha u ki Block ruh kum juh, u myntri rangbah u la ong ba kin don ki jigneh hynrei hap ban ia treilang ban ai ka jingshakri ia ki paidbah katkum ki kyndon ka ain.
Ha kane ka sngi la pyntip ruh ba ka sorkar pdeng kala ai 189 tylli ki mobile tower ha ka jylla ban pynioh ia ka mobile sha ki 1600 tylli ki shnong ha ka jylla Meghalaya, kane kala iarap ban pynpoi sha kiba bun ki shnong, hynrei na ka liang jong ka tnad IT ka dang iohi ba don ki jingduna.
Na ka liang jong ka Tnad IT kala sehm ba dang don sa kumba 1640 tylli ki shnong ha ka jylla Meghalaya kiba pat ioh ia ka Mobile, la thoh biang sha ka sorkar pdeng ban iarap ia ka jylla namar bun na ki shnong ha khappud kim don ia ka Mobile. La ong ba ka Common Services Centre dei tang kawei na ki jaka iarap.
Ha kane ka sngi u shongknor ka MSPSDC u M S Rao u la don lang bad kiwei ki briew na ki tnad sorkar bapher bapher bapher kila ia don lang ha kane ka sngi, la khmih lynti ba kane kan iarap ban pynsuk ia ki paidbah na ka bynta ka jingdon kam jong ki kiba man ka sngi.
