Shillong, Naiwieng 08: Mynta ka sngi ka sorkar kala pynmih ia ka jingpynbna ba la thung ia u bah Wilfred Nongsiej secretary ka tnad District Council Affair ban long u Deputy Commissioner jong ka Eastern West Khasi Hills District ia kaba yn sa plie ha ka sngi Balang ha Mairang.
Katba ia u bah Alertson Nongbri ba bat kum u ADC jong ka West Khasi Hills District la thung ia u kum u ADC jong ka Eastern West Khasi Hills District bad kane kan trei kam naduh ka 10.11.2021.
Ia u bah V.Swer Extra Assistant Commissioner jong ka Mairang Civil Sub Division un long noh u Extra Assistant Commissioner jong ka Eastern West Khasi Hills District naduh ka 10.11.2021.
Ha ka juh ka por u bah V Swer un dang bat ruh ia ka kam kum u Block Development Officer jong ka Mairang Block, kane ka long katkum ka jingpynbna sorkar ia kaba la soi da ka kong R Lyngdoh Commissioner bad Secretary jogn ka sorkar Meghalaya
