La weng kam ia u akount ophisar ka Selsella Block , dang ap iaka kaiphot: Sniawbhalang

Shillong, Lber 19: U Bah Sniawbhalang Dhar myntri ba dei peit ia ka tnad pynroi nongkyndong halor ka mat jingiakren kaba la wanrah da u Dr Azad Zaman halor ka jingtohkit halor ki kam beain kiba la ia ki skhim jong ka MGNREGA hapoh jong ka Selsella Block, la ong ba la ai ia ka ejahar bad ia u akount ophisar la weng na ka kam u ba dei na katei ka Blcok.

U mytnri ba dei peit ia ka tnad pynroi nongkyndong u la ong ha dien ba la ioh ia ki jingujor la ai ejahar bad ia u akount ophisar la weng na ka kam bad ka sorkar kala thung ia ka kynhun tohkit halor kane hynrei dang ap ia ka kaiphot kaba pura shuwa ban leh ei ei ia kiwei ki ophisar kiba la shah kynnoh ba ki ia don kti lang.

Haba ia dei bad ka jingpynlong ia ka ilekshon jong ki dkhot ka Village Employment Council (VEC) la ong ba ia kane dei ban pynlong man ka shisien lai snem, dei ha u snem 2019 bala wanrah ia ka jingpynkylla ha kaba ia dei bad ki kyndon jong ka MGNREGA ba ia ka ilekshon dei ban pynlong katkum ki kyndon bala buh.

U myntri u la kubor halor ka jingkren jong u MLA ba ka jingpynslem ia ka jingsiew ka ktah ia ki jingtrei, ha ka juh ka por u myntri u la ong ba ka sorkar jylla kam juh pynslem ban siew dei namar ba ka poi slem ka pisa na ka sorkar pdeng.

Haba ia dei bad ka jingong ba dei ban don ka ilekshon sha baroh ki VEC, na ka liang jong u myntri u la ong ba yn sa shim khia lade ia kane ka kam bad ban peit ba baroh ki VEC ha ki Block kin trei kam, haba ia dei bad ki Bank akount jong ki ba trei bylla 100 sngi la ong ba bun kim don bank akount namar ki duna palat ki Bank ha ka jylla.

Nalor u Dr Azad Zaman kiwei kiba la ia shim bynta ki long u Bah George B Lyngdoh, bah HM Shangpliang, Bah Meralborn Syiem, bah PT Sawkmie, Bah Renikton Tongkhar, u Saleng A Sangma, u Dr Mukul Sangma nongialam ka liang pyrshah.

Haba ia dei bad ka jingkren bad ki jingai jingmut jong ki MLA kiba la ia shim bynta ha ka jingiakren u myntri u la ong ba wat la ymioh ban pynshai ia baroh ki jingkren hynrei u la ong ba u la thoh ia ka jingkren jong ki bad ia ka jingai jingmut u sa shim khia ban peit ba ki paidbah kin nym jynjar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet