Shillong, Nailar 11: U Deputy Commissioner (Supply), East Khasi Hills District u la btah ia baroh lada don kiba khein tam dor ia u khaw rashon palat ia kaba labuh dor da ka ophis dei ban pyntip sha ka ophis jong u Deputy Commissioner.
Na ka liang jong u DC u la pynbna paidbah ba la pynalit paidbah ia u khaw na ka bhah NFSA 2013 na ka bynta kito ki long iing kiba hap hapoh jong ka PHH bad Antyodaya Anna Yojana (AAY) na ka bynta jong u bnai Jylliew, katba na ka bynta u khaw paidbah pat la pynlait na ka bynta jong u bnai Iaiong, Jymmang bad u bnai Jylliew.
Ka dor n aka bynta u khaw PHH ka long lai tyngka shikilo bad kan long san kilo shikhlieh briew bad n aka bynta u khaw AAY kan long beit 35 kilo na ka bynta kawei ka kad ha ka dor lai tyngka shi kilo. Katba ia u khaw paidbah kan long T.11.70 tyngka haduh T.12 tyngka ha ka shikilo bad kin ioh tang 8 kilo shi kad.
Na ka ophis jong u DC kala ong ba lada don ba khlem sam ia u khaw lane ki ai da u khaw u ba sniew bad ki don kiba shim palat ia ka dor kaba la buh da ka sorkar dei ban pyntip sha ka ophis jong u Deputy Commissioner.
