Shillong, Rymphang 13: U bah Wandonbok Jyrwa nongialam jong ka MJACCV u la iathuh ba ha kane ka jingialang jong ka Central Executive Committee (CEC) kaba la long mynta ka sngi kala shim ia ka rai ba kin dang bteng ia kane ka jingsngeh kamai katba ka sorkar kam sngap ia ka jingdawa jong ki.
Haba kren ha ki lat pathai khubor ha dien ka jingialang la ong ba lada ka sorkar kan dang sngap mynta ki nongniah kalai kamai na baroh kawei ka jylla kim banse ban leit shah thngan noh sha Secretariat namar ban kamai ym im shuh.
U bah Wandonbok u la ong ba lada ka sorkar ka knieh noh ia ki permit lei kata kan bhah palat ha kaba kin don noh tang ki kali shimet ban kamai namar ka khajna ki kali shimet ki siew tang shisien san snem katba ki kali kamai ki bun jaid ki khajna.
U bah Wandonbok u la ong ba ha kane ka jingialang mynta ka sngi la wan ban ia shim bynta da baroh kawei ka jylla kiba buh kali kamai. Ha kane ka jingialang la shim ia ka rai ba kin dang pynjur shuh shuh ia ka jingiakhih naduh ka sngi nyngkong ka ban wan.
