Shillong, Jylliew 20: U nongialam ka liang pyrshah hapoh iing dorbar jong ka KHADC u Bah Manstudy Nongrem jong ka seng Congress u la ong ba lada ka UDP bad ka HSPDP ki wanrah ia ka mation bym don jngshaniah shuh ia ka liang synshar ka People Democratic Forum, ka seng Congress kan ai ka jingkyrshan.
Haba kren ha u SP News Agency u Bah Manstudy, U la pynkynmaw, haba u bah HS Shylla u wan rah ia ka motion bym don jingshah niah shuh, u pan ka jingiarap jong ka seng Congress ka seng Congress ka ai bad ha kane ka kynti kaba mynta ruh ka Congress kan ai ka jingkyrshan hynrei na ka liang jong ki kin nym ai motion bym don jingshaniah namar ki tip ba kim lah.
Na ka liang jong ka seng Congress ka kloi ban ai jingkyrshan lada ki pan ia ka jingkyrshan, kumba ka long ka UDP bad ka HSPDP kaba la juh kyrshan ia ka PDF mynta kila weng noh ia ka jingkyrshan, katba ka seng Congress kala dep don ha ka liang pyrshah.
Na ka liang jong u Bah Adelbert Nongrum jong ka KHNAM u la ong ba ia mynta un nym kyrshan iano iano ruh lada ka don ka motion byn don jingshaniah shuh un nym vote, namar ka jingkwah ka jing u ka long ban buh shuwa ia ka jaidbynriew ha khmat kiwei ki wan ha dien.
