Shillong, Jymmang 19: Ka kong Ampereen Lyngdoh ka ba dei ka myntri sorkar ka la iathuh ba Ka Sorkar ka la thaw da ka committee ba kyrpang halor ka Roster System ba ha kane ka kommittee yn ymlah ban kren ia kiwei pat ki mat.
Namar hangne ki ia kren ia ka jingbthah ka ingshari ia ka sorkar Meghalaya ban pynbeit ia kata ka Reservation Policy, ka ba khlem don ki kyndon jingiada ia ki kynhun lane tribe ki ba don ha kane ka jylla Meghalaya.
Ka kong Ampereen Lyngdoh ka la ong ba ia kane ka kommittee la thaw bad pynbna da u myntri rangbah ka jylla u Conrad k Sangma kane ka kommittee kan sha pyrkhad bha ioh ka dang donkam nalor kita ki seng sainpyrthei ioh ki don kita ki stad ain ban nang ialam bad ba nang pynshai Shuh Shuh ia kane ka kam kumno ban pyniaid ia kata ka jingthungkam thungjam ha kane ka jylla meghalaya.
Ka kong Ampereen Lyngdoh ka la kyntu ia u paitbah “Lada don mano mano ba don kano kano ka jingai jingmut ka ban iarap ia la ngi, ka ban pyntylli lang, ka ban rah shakhmat ia kane reservation policy, ban don ia kata ka roster. ka jingkhang ban ai jingmut ka long ba plie na ka bynta jong ki”
Ka la ong ruh, Kane ka kam kam dei ka ba lah ban shu rai kyrkih, lada ka shimpor artaiew lai taiew, bad ka jingkhmih bniah ba kumno ban pyniaid ia ka roster ka la sdang naduh u 2022.
Lada don ki ba dang artatin ba balei la khot ia ki interview ha ki department ba pher ba pher. Ka la bynrap ia ka jingpynshai jong u myntri rangbah ka jylla. Ba kan long nangne sha khmat baroh ki department kin hap ban iaid katkum katkum ka roster.
Hadien ka jingrai ka jingbtah ka ingkhashari dang ha kine ki bnai ba la dep. Ngin pynsangeh, ngin peit bad khmih bha ia kita baroh bad ka sorkar ka dei ban tip ruh kono kita ki interview ba la dep bad ba dang sah bad ki ba la dei ban ai kam.
Lada ki department ki ba pher ki ba pynmih ia kita ki kam ki biang ka jingpynkhreh ia ka roster. Ka sorkar kan sa ai da ka jingpyntip ba thymmai bad yn shim kyllum biang khnang ba kan nym wan ka ba kum kane ka kynrum kynram ki ba la dep ban iohmat ha kine ki 51 snem kiba la dep.
