Shillong, Iaiong 26: Ka Deputy Commissioner jong ka East Khasi Hills District ka kong Isawanda Laloo kala pynkynmaw biang ia ki paidbah ba lada don ki Taxi kiba shim palat ia ka dor ba la buh ka sorkar ki dei ban ujor da kaba ai ia u number kali.
Haba kren ha u SP News Agency na ka liang jong ka DC kala ong ba lada don ki Taxi kiba shim palat ia ka dor bala buh ki dei ban ujor sha ka ophis bad ka ophis kan leh ia kaba don kam bad la dep ban ai ruh ia ki jingbthah.
Haba ia dei bad kane jingeh jong ki paidbah ka DC kala ong ba ki paidbah ki dei ban ujor sha ka ki bor ba dei peit khang ba lah ban pynshitom ia kito ki briew kiba shim kabu bad la bthah ia ki nongniah taxi ba kin buh ia ka dor bai kali ha poh kali.
Na ka liang jong u shongknor ki nongialam ki kali kamai u bah Wandonbok Jyrwa u la ong ba ba lada ki Taxi kiba kamai kiba shim palat ia ka dor ki ki paidbah ki dei ban ujor beit beit sha ki pulit bad sha ka seng ba kin leh ia kaba don kam.
