Shillong, Jylliew 17: Ka magistrate ka kong B Rani kala pynsngew sha ki nongshong iew ba la shim ia kane ka rai ka long ha dien ka jngwan jurip ka Deputy Commissioner, u Superintendent ki Pulit jong ka East Khasi Hills District, u Pa,im jong ka Hima Mylliem bad u Chief Executive Member jong ka KHADC.
Ka jingkhot ia kane ka jingialang mynta ka sngi ka long ban pynsngewthuh ba dei ban don ia ka jingiakit khlieh lang ba u wei pa u wei ba wan die jingdie hangne ha iew bad ka jingwan mynta ka sngi ka long ba bun ki long kpa, ki long kmie ki hap ban mih namar ba hap ban bsa btiah ia ki khun ki kti ha iing ha sem wat hapdeng kane ka khlam.
Na ka liang jong ka kong Rani kala ong ba ki ruh kiba bun ki jingkit khlieh ha kiba bun ki liang, ha iing ha sem ban pyndap, kumba la pynshai da ki myntri ki hap ban sngewthuh ban hap ban bud pyrkhing ia ki jingbthah ka sorkar.
Ki nongshong iew ki hap ban phong ar syrtap ki mass, kane kan iarap ia ki bad kum juh ia ki nongwan thied ruh kum juh dei ban thet ia ki kti ban nym ialum wat la ki don ha iew ban nym ia khublei kti bad ban kohnguh, wat nym ia dih sha bad ia bam jalang kane ka jingpyrkhing ka long ban iada.
Ka jingplie kam mut ba kala shngian, em kam pat shngian, kane ka jingplie ba phin ia ioh ban shong ar sien shitiaew ka long ban lait na ka jingiap ja, wat ia leh shngian kiba shong dukan ne kiba shong madan wat ia pynlut por palat bad kiba don wan thied jingthied ruh.
Na ka liang jong ka Hima Mylliem bad ka KHADC kan buh ia shibun ki briew ban ia pynbiang ban pynbeit ia ki jingiada ban don ka jingpynia jngai, dei ban sngewthuh ia ka jingtrei shitom jong ki ban iarap bud ia ki jingbthah. La kyntu ia baroh ba kin ai Tika kum ka jingiada ia lade bad ia ka iing ka sem.
Na ka liang jong ka Magistrate kala ong ba ia ki jhur, ki Dohkha bad ka doh ym pat shah bad ka por ban plie kan long naduh 9 baje mynstep haduh 4 baje jan miet bad lada don kiba pynkhein ia ki kyndon dei ban dain kumno bad lada phim ia bud ryntih ia ki kyndon hap ban khang biang, la kyntu ia baroh ban ia but ryntih.
