Lada u Conrad ym lah ban pynbeit ia ka kam dewiong ha Meghalaya dei ban hiar shuki:MJAC

Jowai, Rymphang 11: Mynta ka sngi ka Meghalaya Joint Action Committee (MJAC) kala pynlong ia ka jingialang jong ki trai par dewiong ha 7-Mer hapoh West Jiantia Hills District bad ha kane ka jingialang kala mih kawei ka sur kaba kila dawa ba lada u mytnri rangbah ka jylla u Conrad K Sangma ym lah ban pynbeit noh ia kane ka kam tih dewiong u dei ban hiar shiki noh mardor.

Ha ka jingkren jong u Bah Erwin K Syiem Sutnga lamphang jong ka MJAC u la ong ba kane ka sorkar kam shym la leh ei ei na duh ba ka Supreme Court kala dep ban ai ia ka rai ka 03/ Naitung /2019. Ha kane ka jingialang la kynnoh ba kane ka sorkar kam shym leh ei ei haba ia dei bad u dewiong mynta la palat hynreiw bnai.

Halor kane ka jingbym leh ei ei ka sorkar kaba la ialam da u Conrad ka MJAC kan leit biang sha Supreme Court ban ujor pyrshah ia kane ka ka sorkar, namar kumba ka long mynta ym don lynti da kumwei pat ban pynbor ia kane ka sorkar ba dei ban leh ei ei noh da kaba leit ban ujor biang sha Supreme Court.

Ha kane ka jignialang paidbah u la ther tyngeh ba kane ka sorkar ha ka jaka ba kan peit ia ka kam dewiong katkum ka rai jong ka Supreme Court kane ka sorkar kala lap miet ha kaba pynaid trok kam don por ban peit ia ka rai jong ka Supreme Court ban im ki paidbah, la kynnoh u Bah Erwin.

U Bah Erwin u la ong ba ha kane ka kynti kaba mynta lada ia khih pyrshah ia ka sorkar ban pynioh biang ia ka kam tih dewiong lade ban ia mih paidbah da baroh lane dei ban ia pep noh da baroh, namar haba ia ioh dei ban ioh lang bad haba ia duh dei ban duh lang.

La ong ba ka jingkam jong ka sorkar kumba kala dep ban ai jngkhein sha ka NGT ba dang dong 32 lak metric tons u dewiong, haba ai dei bad kane la ong ba ka sorkar ka dei ban peit ba ka shallan dei ban ioh paidbah, lada ka ai tang u wei u ne ka briew ka dor kam dei ban heh da ki hynniewphew ne shilak tyngka kumba ka long mynta ka dei ban long katkum ka dor sorkar.

La ong ba ka jingiakhih pyrshah ia ka sorkar haba ia dei bad u Dewiong kan sdang ha ka 17 tarik mynta u bnai ha kaba ki paidbah ki dei ban iamih paidbah ha katei ka sngi ban ia shim bynta ha ka jingialang kaba ka khot da ka ophis jong u Director Minerals Resources ka ban long ha Khliehriat.

Kiwei kiba la kren ha kane ka jingialang ki long u Bah Balen Thubru president jong ki trok, U Bah Bastarwell Bareh, bad kiwei kiwei. Baroh ki nongkren kila pynkynmaw ba ha ka por election ka party NPP Khamtam u president ka seng u Dr WR Kharlukhi u la ong ba lada pynjop ia ka NPP kin pynlait ia u dewiong hyrnei kane ka sorkar kala don ar snem ha ka bor kam pat lah ban leh ei ei, kila kynnoh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet